Fələstinli Əl-Acle ailəsi İsrailin keçən yay Qəzzaya təşkil etdiyi hücumlar zamanı ən böyük dağıntıya məruz qalan yerlərdən biri olan Şucaiyye məhəlləsində, dağıdılan evlərinin yaxınlığında yerə saldıqlar süfrədə oruclarını açıblar.
FaktXəbər-in “Anadolu” agentliyinə istinadən verdiyi məlumata görə, ailənin ağbirçəyi – Ümmü Lyad Əl-Acle yaxınlıqdakı daş və torpaq qalağını işarə edərək, “bax, bu bizim evimizdir. Beş uşağım və nəvələrimlə burada yaşayırdıq. Ancaq İsrailin evimizi dağıtmasından sonra hərəmiz bir yerə dağıldıq. Ailəmi toplamaq və keçmişdə olduğu kimi birlikdə orucumuzu açmaq üçün Ramazan ərzində burada, evimizin yanında iftar etməyə qərar verdik”, – deyib.
www.ahliman.info
