İslam Peyğəmbəri (s) buyurur:
لا يَبْقَيٰ عَلَيٰ ظَهْرِ الْأَرْضِ بَيْتُ مَدَرٍ وَ لا وَبَرٍ إِلاّ أَدْخَلَهُ اللهُ كَلِمَةَ الْإِسْلامِ
“Yer üzərində elə bir ev, hətta yun parçadan olan çadırlar və gildən olan evlər qalmayacaq ki, Allah-taala İslam dinini ora daxil etməsin.”[1]
Qısa izah:
Dünyanın iki yol ayrıcında olması günbəgün bu həqiqəti bir daha üzə çıxarır ki, ya İslam dini qəbul edilməli, ya da digər dinlər aradan getməlidir.
Belə ki, dinsizlik insanın fitrət və təbiətinin əksinə olduğu üçün o, sonra İslama doğru üz gətirəcəkdir. Hal-hazırda İslam dini öz gözəlliyi ilə dünyanın müxtəlif yerlərində insanları özünə cəlb etməklə onları əhatə etmişdir. Hətta Amerikada belə bu din hal-hazırda yayılmağa davam edir.
Əlbəttə, qeyd etmək lazımdır ki, bu mövzu özünün təkamül zirvəsinə həzrət Mehdinin (ə.c) zühuru dövründə çatacaqdır. O gündə şirk və bütpərəstliyin kökü kəsiləcək və İslam dini yer üzünün hər bir nöqtəsini əhatə edəcəkdir. Həmçinin, İslam Peyğəmbərinin (s) yuxarıda qeyd olan hədisdə bəşarət verdiyi məsələ öz həqiqətini tapacaqdır.
[1] “Məcməul-bəyan”, c. 5, səh. 25.
