1.“Rəsul”, “nəbi” və “mühəddəs” sözlərinin fərqi
Büreyd İcli deyir ki, İmam Baqirdən (ə) “rəsul”, “nəbi” və “mühəddəs” haqda soruşduqda, o Həzrət buyurdu:
الرَّسولُ الَّذي تَأتيهِ المَلائِكَةُ ويُعايِنُهُم وتُبَلِّغُهُ عَنِ اللّهِ تَبارَكَ وتَعالى، والنَّبِيُّ الَّذي يَرى في مَنامِهِ، فَما رَأى فَهُوَ كَما رَأى، والمُحَدَّثُ الَّذي يَسمَعُ الكَلامَ ـ كَلامَ المَلائِكَةِ ـ ويُنقَرُ في اُذُنَيهِ ويُنكَتُ في قَلبِهِ
“Rəsul o kəsdir ki, mələklərlə görüşər və Allah-Taalanın əmrlərini ona çatdırar.
Nəbi o kəsdir ki, onları yuxuda görər və yuxuda gördükləri də eyni həqiqətdir.
Mühəddəs isə o kəsdir ki, mələklərin səsini eşidər, qulağına pıçıldanılar və qəlbinə ilham olunar.” (“Əl-ixtisas”, səh.328.)
2. Behiştin yolu
İmam Baqir (ə) buyurmuşdur:
مَن أرادَ أن يَعلَمَ أنَّهُ مِن أهلِ الجَنَّةِ فَيَعرِضُ حُبَّنا عَلى قَلبِهِ، فَإِن قَبِلَهُ فَهُوَ مُؤمِنٌ
“Behiştlik olduğunu bilmək istəyən bizim məhəbbətimizi qəlbində arasın. Əgər onu qəbul edirsə, deməli, mömindir.” (“Kamiluz-ziyarat”, səh.193.)
3. Paxıllıqdan Allaha pənah aparın…
Əbu Bəsir nəql edir ki, İmam Baqirdən (ə) soruşdum:
كانَ رَسولُ اللّهِ (ص) يَتَعَوَّذُ مِنَ البُخلِ؟ فَقالَ: نَعَم يا أبا مُحَمَّدٍ في كُلِّ صَباحٍ ومَساءٍ، ونَحنُ نَتَعَوَّذُ بِاللّهِ مِنَ البُخلِ، يَقولُ اللّهُ: «ومَن يوقَ شُحَّ نَفسِهِ فَاُولئِكَ هُمُ المُفلِحونَ»
“Peyğəmbəri-Əkrəm (s) də paxıllıqdan (Allaha) pənah aparırdımı?” Həzrət buyurdu: “Bəli, ey Əbu Məhəmməd, hər (gün) sübh-axşam! Biz özümüz də paxıllıqdan Allaha pənah aparırıq. Allah belə buyurmuşdur: “Nəfsinin paxıllığından amanda qalanlar məhz nicat tapanlardır!” (“Həşr”, 9; “İləluş-şəraye”, səh.548, hədis 4.)
4. Şövkətli dövlətin intizarında
İmam Baqir (ə) cümə namazının ikinci xütbəsində bu duanı oxuyardı:
اللّهُمَّ إنّا نَرغَبُ إلَيكَ في دَولَةٍ كَريمَةٍ، تُعِزُّ بِهَا الإِسلامَ وأهلَهُ، وتُذِلُّ بِهَا النِّفاقَ وأهلَهُ، وتَجعَلُنا فيها مِنَ الدُّعاةِ إلى طاعَتِكَ وَالقادَةِ إلى سَبيلِكَ، وتَرزُقُنا بِها كَرامَةَ الدُّنيا وَالآخِرَةِ
“İlahi, Səndən şövkətli dövlətin bərpasını istəyirəm ki, onunla İslam və müsəlmanlara izzət verib, nifaq və münafiqləri zəlil edəsən, o zaman bizi itaətinə carçı, yoluna rəhbər seçəsən və onunla da dünya və axirətin xeyrini bizə nəsib edəsən!” (“Əl-kafi”, c.3, səh.424, hədis 6.)
5. Hörməti olmayan 3 dəstə
İmam Baqir (ə) buyurmuşdur:
ثَلاثَةُ لَيْسَ لَهُمْ حُرْمَةٌ: صاحِبُ هَوىً مُبْتَدَعٌ وَالْاِمامُ الْجائِرُ وَ الْفاسِقُ مُعْلِنُ بِالْفِسْقِ
“Üç nəfərin hörməti yoxdur: 1. Bidət qoyana; 2. Zülmkar rəhbərə; 3. Açıq-aşkar günah edən fasiqə. (“Vəsailuş-şiə”, c.8, səh.605.)
