İmam Səccad (ə) “Şibli” adlı şəxsə Həccdən qayıtdıqdan sonra buyurur:
Miqata getdinmi?
Bəli.
Paltarını dəyişdinmi? Yəni tikişli paltarı çıxarıb, ehram geydinmi?
Bəli.
Sonra imam soruşur:
Tikişli paltarı çıxaranda niyyət etdinmi ki, günah libasını çıxarırsan?
Xeyr.
Ehramı geyəndə niyyət etdinmi ki, itaət libasını geyirsən?
Xeyr.
Qusl edəndə niyyət etdinmi ki, günahlarını yuyursan?
Xeyr.
İmam buyurdu: “Bəs sən hələ ehrama girməmisən. Ehramın zahiri əmri var, bir də batini sirri. Kim ehramın batini sirrini dərk edərsə, Həcci də dərk edər.”
O, izah edir ki: tikişli paltarı çıxarmaq – günahları tərk etmək, ehram geymək – itaətə yönəlmək, ehramdan əvvəl edilən qüsl – günahları paklamaq mənasındadır. Bu, Həccin ilk sirridir. İmam Səccad (ə) bu nümunə ilə göstərir ki, Həcc sadəcə fiziki əməl deyil, mənəvi bir saflaşmadır.
