Ayətullah Məkarim Şirazi buyurur: “İslam dinində elm və biliyə aid çox sayda hədislər mövcuddur. Ailə və valideynlər hər bir insan üçün ilk məktəbdir. Ondan sonra məktəb, ali məktəb və cəmiyyət insan üçün təlim mərkəzləri hesab olunur. Əgər onların hər biri öz işini düzgün yerinə yetirərsə cəmiyyət sağlam, tərəqqi etmiş olar.
Bu gün elə bir şəraitdə yaşayırıq ki, fəsad qapıdan və bacadan girir. Peyk antenaları və internet İslam düşmənlərinin nüfuz etdiyi vasitələdir. Belə bir mühitdə qərar tutmaq müəllimlərin, valideynlərin və cəmiyyətin məsuliyyətini artırır və onlar gərək fəsadı təhsil ocaqlarından uzaq saxlaya bilsinlər. Ona görə də yeni nəsildə iman gücünü artırmaq lazımdır. Əgər cavanlarımızın imanı güclü olarsa, fəsad amilləri qarşısında daha çox müqavimət göstərəcəkdir.
Əgər elmi, əxlaq olmadan tədris edərlərsə cəmiyyətdə çox sayda problemlər meydana çıxar. Şagirdlər müəllimlərin əlində olan İlahi əmanətlərdirlər. Ona görə də hər bir müəllim bu əmanəti saxlamaq üçün səy etməli və elm və imanın güclənməsi üçün daha çox fəaliyyət göstərməlidir.
Amerika Konqresinin nümayəndələrinin təsili ali səviyyədədir.Amma bu insanlar Qəzza döyüşləri zamanı sionistlərə yardım edirdilər. Bu da o həqiqəti göstərir ki, elm və bilik əxlaq və dini tərbiyə olmadan bir yerə gedib çıxa bilməz.
Ona görə də hər bir müsəlman çalışmalıdır ki, elmi öyrənməklə yanaşı, əxlaqına və dini tərbiyəsinə də diqqət göstərsin. Əgər əxlaq olarsa, elmin faydası olar. Əks halda bu cür elm dəyərsiz və təhlükəlidir”.
