İmam Sadiq (ə) buurur:“Hər kim hər ayda “Ənfal” və “Tövbə” surəsini oxuyarsa, heç bir zaman nifaqa düçar olmaz və Həzrət Əlinin (ə) davamçılarından olar”. (Tebyan/Deyerler)
“Ənfal” Quranın səkkizinci surəsidir ki, “Əraf” surəsindən sonra və “Tövbə” surəsindən əvvəl gəlir. 75 ayəsi vardır və Quranın yarım cüzünə şamil olur.
Bu surə ikinci hicri ilində Bədr döyüşündən sonra nazil olmuşdur. İbn Abbas nəql edir ki, Peyğəmbər (s) Bədr döyüşü günü əsgərləri döyüşə həvəsləndirmək üçün onlara hədiyyə təyin etdi. Bu təşviq sayəsində əsgərlərin iman ruhu gücləndi və hədəfə çatmaq üçün bir-biri ilə yarışdılar. Bədr döyüşü sona çatan zaman cavanlar mükafatlarını almaq üçün Həzrətin (s) yanına gəlirlər. Qocalar da qənimətdən pay istəyirdilər. Çünki özlərini əsgərlərin dayağı hesab edirdilər. Bu zaman “Ənfal” surəsi nazil oldu. Aydın şəkildə elan etdi ki, qənimət Peyğəmbərə (s) aiddir. O, necə istəsə, onunla o cür rəftar edəcəkdir. Bu zaman müsəlmanlar Həzrətə (s) itaət etmək üçün vəzifələndirildilər. Peyğəmbər (s) də bu qəniməti adil şəkildə ordunun hər bir üzvü arasında böldü və əmr etdi ki, hər kəs dost və qardaş olsunlar.
Döyüş qənimətinə ona görə ənfal deyirlər ki, bu qənimət sahibi olmayan maldır və əsgərlərin əlinə düşər. Əsgərlər heç bir zaman qənimətə görə düşmənlə mübarizə aparmazlar. Onların əsl hədəfi düşməni məğlub etməkdir. Onlara bu qənimət çatan zaman ona ənfal deyilər.
“Ənfal” sözü Quranda iki dəfə işlənmişdir. Bu surədə ənfalın adı çəkildiyi üçün ənfal adlandırılmışdır. Bədr bu surənin başqa bir adıdır. Bu surədə Bədr döyüşü ətraflı bəyan edilmişdir. Bəzi təfsirçilərin nəzərinə görə “Ənfal” surəsi “Tövbə” surəsi ilə bir yerdə bir surə sayılır. Hətta bəziləri bu surələrdən birini namazda oxumağı caiz bilmirlər.
Ənfal” surəsində bəyan olunanlar:
– Ənfalın hökmü və ümumi sərvətlər.
– Xümsə aid əhkam və onun istifadə qaydası.
– Bədr döyüşü və orada olan ibrətli dərslər.
– Müsəlmanlar arasında sülh, nifaqdan çəkinmək.
– Peyğəmbərə (s) itaət əmri.
– Düşmən qarşısında səbrin əhəmiyyətinə işarə.
– Bütün döyüşlərdə müsəlmanlara edilən qeybi yardımlar.
– Mal və övladın imtahan vasitəsi olması.
– Möminin nişanəsi, sifətləri, əxlaqı, elmi.
– Cihadın əhkamı və müsəlmanların düşmən qarşısındakı vəzifələri.
– Leylətul-məbitə işarə.
www.ahliman.info
