İmam Sadiq (ə) buyurmuşdur:
مَنْ كَانَ فِي حٰاجَةِ أَخِيهِ الْمُسْلِمِ كَانَ اللهُ فِي حَاجَتِهِ
“Öz din qardaşının ehtiyac və istəklərinin ödənməsi üçün səy edən kəslərə Allah onların hacətlərinin qəbul edilməsində yardımçı olar.”[1]
Qısa izah
Bir qayda olaraq, insanlar başqalarına yardım etdikləri təqdirdə, öz yaşayışındakı tərəqqidən qalacaqlarını güman edirlər. Amma İslamın bu sahədəki nəzəri tamamilə fərqlidir.
İmam Sadiq (ə) yuxarıda qeyd olunan hədisdə belə buyurur: “Sən camaatın ehtiyaclarının ödənməsi və onların problemlərinin həllində onlara yardım et ki, qüdrəti bütün qüdrətlərin fövqündə olan Allah da sənin ehtiyacının ödənməsində sənə yardım etsin.”
Müəllif başqalarına yardım edən insanların cətinliklərinin .ilahi mərhəmət olaraq qeyri-adi halda aradan qaldırıldığını qeyd edir.
Belə insanlar ilahi lütfün onların halına şamil olması üçün lazımı şərtlərə malikdirlər və Allah da onlara xüsusi şəkildə nəzər yetirir. Səbəb isə aydındır: “Sən Allahın bəndələrinə yardım et, Allah da sənə yardım etsin.”
[1] “Biharul-ənvar”, c. 74, səh. 286.
