Loğman (ə) öz oğluna buyurur:
يا بُنَيَّ… إِنَّ اللهَ عَزَّ وَ جَلَّ يُحْيِي القُلُوبَ بِنُورِ الْحِكْمَةِ كَمَا يُحْيِي الْأَرْضَ بِوَابِلِ السَّمَاءِ
“Oğlum! Allah ölü torpaqları səmanın bərəkətli yağışları ilə diriltdiyi kimi, insanların qəlblərini də elm və hikmət nuru ilə dirildir.” “Biharul-ənvar”, c. 1, səh. 204.
Qısa izah
İnsanın qəlbi gül, çiçək və bar verən ağacların toxumları səpilərək əkilən bağça və bağ kimidir. Əgər bu münbit sahə vaxtı-vaxtında suvarılarsa, çox səmərəli və təravətli mühit yaranacaqdır.
Fitrət sahəsinin yeganə suvarılma üsulu yalnız elm və hikmət yağışının həyat bəxş edən damcılarıdır. Bu baxımdan, elm və hikmətsiz qəlblər fayda və səmərəsi olmayan ölü qəlblərdir. Gəlin hər zaman və bütün hallarda öz qəlblərimizi elm və hikmət nuru ilə diri saxlamağa çalışaq və həyat bəxş edən elm yağışından faydalanaq.
