İslam Peyğəmbəri (s) buyurmuşdur:
اَفْوَاهُكُم طَرِيقٌ مِن طُرُقِ رَبِّكُم فَأَحَبُّهَا اِلَي اللهِ اَطْيَبُهَا رِيـحًا فَطَيِّبُوهَا بِمَا قَدَرْتُم عَلَيْهِ
“Allaha doğru aparan yollardan biri də sizin ağzınızdır. Onun dərgahında ən sevimli ağız ən yaxşı qoxulu olandır. Belə isə ağzınızı xoş iyili saxlamaq üçün çalışın. “[1]
Qısa izah
“Vəsailüş-şiə” kitabında dişlərin yuyulma qaydası haqqında nəql olunan bu hədisin həm zahiri, həm də batini mənası vardır. Hədisin zahiri mənası hər bir mömin insanın ağzı ilə Allaha ibadət etməsi və onun nazil etdiyi ayələri oxumasından ibarətdir. Bu baxımdan, möminlər ağızlarını pak və təmiz saxlamalıdırlar. Hədisin batini mənası belədir: “İnsan ağzı ilə Allah dərgahına üz tutaraq danışdığı və digərləri arasında onun vasitəsilə ünsiyyət yaratdığı üçün, onu nalayiq və yersiz sözlərdən pak saxlamaqla Allah dərgahında daha sevimli və əziz bəndəyə çevrilə bilər.”
Ədavət və düşmənçilik, hətta, qanlı müharibələrin də baş verməsinə səbəb olan nalayiq söz və kobudluqlardan çəkinmək lazımdır.
[1] “Vəsailuş-şiə”, c. 1, səh. 358.
