İmam Əli (ə) buyurmuşdur:
لا تُشْعِرْ قَلْبَكَ الْهَمَّ عَلَىٰ مَا فَاتَ فَيَشْغَلَكَ عَمَّا هُوَ آتٍ
“Öz qəlbini keçmişin qəm-qüssəsi ilə məşğul etmə ki, gələcək üçün tədarük görməkdən geri qalarsan!”[1]
Qısa izah
Ixtiyarındakı fürsət və imkanlardan lazımınca istifadə edərək səhv və xətaya yol verməyən insanlar həddindən azdır. Bu baxımdan insanlar iki qrupa bölünür:
Birinci qrupdan olanlar keçmişdə etdikləri səhvlərə görə ifrat dərəcədə təəssüflənməklə vaxtlarını hədər edir və əllərindəki fürsətlərin tələf olunmasına səbəb olurlar.
İkinci qrupdan olan insanlar isə keçmişdəki məsələlərin bitərək geridə qaldığını anlayır və etdikləri yanlışlardan gələcəkdə ibrət almaq üçün istifadə edirlər. Belə düşünən insanlar fürsətləri qənimət bilərək var qüvvəsi ilə bu gün və gələcək üçün çalışırlar.
Həzrət Əlinin (ə) yuxarıdakı hədisdə buyurduqlarına uyğun olaraq, qələbə də bu dəstədən olan insanlara şamildir.
Ərəb şairi deyir: “Keçmiş ötüb, uzaq gələcək isə səndən uzaqdadır. Ayağa qalx və bu günü qənimət bil!”
[1] “Ğurərul-hikəm”, c. 6, səh. 345.
