Həzrət Əli (ə) buyurmuşdur:
إِتَّعِظُوا بِمَنْ كَانَ قَبْلَكُم قَبْلَ أَنْ يَتَّعِظَ بِكُم مَن بَعْدَكُم
“Gələcək nəsil sizin həyat və sərgüzəştinizdən ibrət və nəsihət almamışdan öncə, keçmişdəkilərinizdən (ata-babalarınızdan) ibrət və nəsihət alın!”[1]
Qısa izah
Tarixə nəzər salsaq, onun ibrət dərsləri və moizələrlə dolu olduğunu görərik.
Baş verən zülm və sitəmlər, ixtilaflı və pərakəndə məsələlərdən tutmuş tənəzzül və dəyişikliklər, zaman və mühitdən xəbərsiz olmaq kimi xüsusiyyətlərin hamısının tarix səhnəsində öz əksini tapdığını müşahidə edə bilərik.
Bəşəriyyət tarixinin böyük şəxsiyyəti sayılan Əli (ə) bizlərə xəbərdarlıq edərək buyurur ki, keçmişdə olan insanların həyat və yaşayışından ibrət götürün və bədbəxtliyə səbəb olan fəlakətli həyatınızın gələcək nəsillər üçün ibrət dərsi olmasına şərait yaratmayın. Coşqun və təlatümlü zaman dəryası hamını özü ilə yanaşı apardığı halda, xoşbəxt insan və cəmiyyət öz keçmişinə nəzər salaraq gələcək səadət və xoşbəxtliyi uğrunda səy və təlaş edənlərdir
[1] “Nəhcül-bəlağə”, 32-ci xütbə.
