Allah-taalanın Musaya pıçıltı ilə buyurduqlarından biri bu idi: “Paltarın köhnə, qəlbin yeni olsun ki, yer üzünün əhalisi arasında az tanınmış, səma əhli arasında məşhur olasan.” [1]
Həzrət Rəsulullah (s) buyurub: “Küncə çəkilmək ibadətdir.” [2]
Həzrət imam Əli (ə) buyurub:
“Tənhalıq ibadət əhlinin asayişdir.” [3]
“Camaatdan ayrılan, pak Allahın həmdəmi olar.”[4]
“Hər kim camaatdan kənara durdusa, zərərlərindən amanda qalar.”[5]
Guşənişinliyə səbəb olanlar
İmam Sadiqdən (ə) guşənişinliyin səbəbləri barədə soruşdular. O Həzrət buyurdu: “Zəmanə korlanmış və qardaşlar dəyişmişlər. Buna görə də qəlb rahatlığını tənhalıqda tapdım.” [6]
İmam Əskəri (ə) buyurub: “Camaatdan kənara çəkilmək, onları tanımağın həddi ilə əlaqəlidir.”[7]
Küncə çəkilməməli olan kimsələr.
Həzrət Rəsulullah (s) buyurub:
“Camaatla ünsiyyətdə olub onların əziyyətlərinə səbr edən mömin, camaatla ünsiyyətdə olmayıb, onların əziyyətlərinə dözməyən mömindən daha üstündür.” [8]
Həzrət Rəsuli-Əkrəm (s) İbadət üçün dağa getmək istəyən kişiyə xitabən buyurdu: “Sizlərdən biri, İslam dünyasının hansı bir nöqtəsindəsə, onun üçün çətin olana dözsə, bu onun qırx il təklikdə və xəlvətdə ibadətlə məşğul olmasından daha yaxşıdır.” [9]
[1] əl-Kafi, c.8, səh.42, hədis 8.
[2] Əlamuddin, səh.341
[3] Ğurərul-Hikəm, hədis 661
[4] Ğurərul-Hikəm, hədis 8644
[5] Ğurərul-Hikəm, hədis 8151
[6] Biharul-Ənvar, c.47, səh.60, hədis 116
[7] Biharul-Ənvar, c.70, səh.111, hədis 14
[8] Kənzul-Ummal, səh.686
[9] -d-Durrul-Mənsur, c.1, səh.161
