İmam Sadiq (ə) buyurmuşdur:
اِنّ الْـمُؤْمِنَ أَشَدُّ مِن زُبُرِ الْحَدِيدِ، اِنَّ زُبُرَ الْحَدِيدِ إِذَا دَخَلَ النَّارَ تَغَيَّرَ وَ إِنَّ الْـمُؤْمِنَ لَوْ قُتِلَ ثُمَّ نُشِرَ ثُمَّ قُتِلَ لَم يَتَغَيَّرْ قَلْبُهُ
“Mömin polad parçalarından daha möhkəmdir. Polad atəşə düşdükdə dəyişib əridiyi halda, mömin ölüb dirilə və sonra yenidən ölərsə, onun imanı və ruhiyyəsində dəyişiklik yaranmaz.”[1]
Qısa izah
Həyat zəif və iradəsiz insanların tez bir zamanda onun qarşısında diz çökərək meydandan qaçdığı çətinlik və qarmaqarışıq məsələlər toplusundan ibarətdir.
Amma iman nuru sayəsində müqavimət göstərən kəslər heç vaxt saysız çətinliklər qarşısında təslim olmurlar.
Onlar ilahi əmrlərə itaət, günahlardan ,çəkinmək, şərəf və bəyənilən həyat yolunda maneələrin olduğunu bilir və başa düşürlər ki, qeyd edilənləri əldə etmək üçün üsyankar nəfsin müqabilində əzəmətlə dayanmalı, fədakarlıq və müqavimət göstərməlidirlər.
Allahın əta etdiyi toviq nəticəsində mömin şəxslər həyatın sarsıdıcı hadisələri və imtahanlardan başıuca çıxır və sonunda qalib gəlirlər.
[1] “Səfinətul-bihar”, c. 1, səh. 147.
