Həzrət Əli (ə) buyurmuşdur:
الزَّاهِدُ فِي الدُّنْيَا مَنْ لَمْ يَغْلِبِ الْحَرَامُ صَبْرَهُ وَ لَمْ يَشْغَلِ الْحَلَالُ شُكْرَهُ
“Dünyada həqiqi zahid o kəsdir ki, haram mal onun müqavimət və iradəsini qırmasın və halal mal isə onu (Allaha) şükür etməkdən yayındırmasın.”[1]
Qısa izah
Bəzi savadsız və məlumatsız insanlar “zahidlik” məfhumunu ilahi nemətlərdən uzaqlaşmaq və iqtisadi imkanlardan üz çevirərək kasıb və fəqir halında yaşamaq kimi mənfi mənaya yozmuş və onun əsl mənasını təhrif etmişlər. Halbuki, məsələ heç də belə deyildir. Həzrət Əlidən (ə) nəql olunan bu hədisdə zahidliyin həqiqi və əsl mənası “halal mallar müqabilində öz vəzifə və məsuliyyətlini unutmamaq” kimi təfsir edilir.
Əgər zahidlik məfhumu mənfi və geridə qalma amili kimi deyil, əksinə tərbiyəvi yönlü və quruculuq amili kimi təfsir edəriksə, bu zaman onun cəmiyyət üçün daha çox faydası olacaqdır.
[1] “Tuhəful-uqul”, səh. 138.
