“Onların mallarından sədəqə çıx ki, bunun vasitəsilə onları pak və təmiz edəsən. Onlar üçün dua et. Çünki sənin duan onlar üçün bir sakitlikdir. Allah eşidən və biləndir.” [1]
Həzrət Məhəmməd (s) peyğəmbərimiz sədəqə verməyin fəzilətləri haqda buyurub:
“Qiyamətin torpağı (bütövlüklə) atəşdir, möminin kölgəsindən başqa. Çünki verdiyi sədəqə onun üzərinə kölgə salar.”[2]
“Qiyamət günü insanlar arasında məhkəmə başlayanadək, hər kəs öz sədəqəsinin kölgəsindədir.” [3]
“Sədəqə Allahın qəzəbini yatırar.” [4]
İmam Əli (ə) buyurub: “Sədəqə cəhənnəm odunun qarşısında bir sipərdir.”[5]
Allah Qurani-Kərimdə buyurur:
“Məgər bilməmişlər ki, bəndələrindən tövbəni və sədəqələri qəbul edən yalnız Allahdır. Allah tövbələri qəbul edən və rəhimlidir.” [6]
İmam Sadiq(ə) : “Allah-taala buyurur: Yalnız sədəqdən başqa elə bir şey yoxdur ki, onu götürməyə bir nəfəri məmur etməyim. Sədəqəni dərhal öz əlimlə qəbul edərəm.”[7]
Sədəqə bəlanın qarşısını almaq barədə Həzrət Peyğəmbərimiz (s) buyurub:
“Sədəqə yetmiş növ bəlanın qarşısını alar, onların ən sadəsi cüzam və dəri xəstəliyidir.” [8]
“Sədəqə şərrin yetmiş qapısını bağlayar.” [9]
“Sədəqə pis və dəhşətli ölümün qarşısını alar.”[10]
“Sədəqə verin və öz xəstələrinizi sədəqə ilə müalicə edin. Çünki sədəqə xoşagəlməz hadisələrdən və xəstəliklərdən qoruyar, ömrü və savabları artırar.” [11]
Əmirəl-möminin həzrət imam Əli (ə) buyurub: “Sədəqə faydalı dərmandır.” [12]
[1] Tövbə, ayə 103
[2] əl-Kafi, c.4, səh.3, hədis6
[3] Kənzul-Ummal, hədis 16068
[4] Kənzul-Ummal , hədis 16114
[5] Vəsailuş-Şiə, c.6, səh. 258 , hədis17
[6] Tövbə, ayə 104
[7] Biharul-Ənvar, c.96, səh. 134, hədis68
[8] Kənzul-Ummal, hədis 15982
[9] Birahul-Ənvar, c.96, səh. 132, hədis24
[10] əl-Kafi, c.4, səh.2, hədis1
[11] Kənzul-Ummal, hədis 16113
[12] Nəhcül-Bəlağə, hikmət 7
