İslam Peyğəmbəri (s) buyurur:
الزُّهْدُ فِي الدُّنْيَا قَصْرُ الْأََمَلِ وَ شُكْرُ كُلِّ نِعْمَةٍ وَ الْوَرَعُ عَن كُلِّ مَا حَرَّمَ للهُ
“Zahidlik bu dünyada üç şeylə tanınır: Arzuların qısalığı ilə, nemətlərə şükür etməklə və günahlardan qorunmaqla.”[1]
Qısa izah:
İnsanların əksəriyyəti islami zahidliyin mənasında səhvə düçar olaraq onu ictimai və maddi yaşayışdan ayrı hesab edir.
Zahidliyin həqiqi mənasını cəmiyyətdə zahidlik həddinə enərək maddi yaşayışın zahirinə üz çevirmiş kəslər bilirlər. Elə bu dəlilə əsasən, bəzən onu istismar proqramı kimi başa düşürlər, halbuki, həqiqi zahidlik ictimai quruculuq məfhumuna malikdir və bu da yuxarıda qeyd olunan hədisdə öz əksini tapmışdır: Haram və qeyri-şəri mallardan və digər insanların hüquqlarını qəsb etməkdən çəkinmək. Həmçinin, maddi imkanların məntiqli və humanist istiqamətdə sərf edilməsi şükr etməyin həqiqi mənasıdır. Eyni zamanda, insanın pul, məqam və şöhrət qazanmaqdan başqa, onu hər bir şeydən uzaqlaşdıran və onu nəfsi istəkləri qarşısında məğlub edən uzun-uzdı arzulardan xilas olması lazımdır.
[1] “Tuhəful-uqul”, səh. 40.
