İmam Cavad (ə) buyurmuşdur:
إِعْلَمْ أَنَّكَ لَنْ تَخْلُو مِنْ عَيْنِ اللهِ فَانْظُرْ كَيْفَ تَكُونُ
“Allahın nəzərindən kənarda olmadığını bil və rəftarına diqqət et!”[1]
Qısa izah
Allaha imanlı olmağın ilk səmərəsi onun daim hər şeydən agah olan Allah tərəfindən nəzarətdə saxlanıldığını bilməsi və bu minvalla, öz əməl və rəftarını kamilləşdirmək üçün səy etməsidir.
İnsan təkcə Allah tərəfindən deyil, onun bizim üçün təyin etdiyi mələklər tərəfindən də müşahidə edildiyini unutmamalıdır. İman dərəcəsi yüksəldikcə, qeyd edilən məsələlərin hiss edilməsi artacaq və insan daim özünü Allahın hüzurunda biləcəkdir.
Məsələyə bu prizmadan yanaşdıqda, onun cəmiyyətin islah edilməsində mühüm bir amil funksiyasını daşıdığı məlum olur.
Bəli! Aləm Allahın məhzəridir. Onun hüzurunda günah etməməyə çalışmaq lazımdır.
[1] “Tuhəful-uqul”, səh. 339.
