İmam Sadiq (ə) buyurmuşdur:
خَيْرُ النَّاسِ قُضَاةُ الْحَقِّ
“İnsanların ən yaxşısı haqq əsasında hökm verənlərdir.”[1]
Qısa izah
İctimai, əxlaqi və hüquqi məsələlərdə ədalətli hökm vermək yalnız özü və digərlərinin mənafeyini ayrı-seçkilik etmədən nəzərə alan və şəxsi məhəbbət və düşmənçiliyi onların ədalətinə mane olmayan kəslər tərəfindən mümkündür. Belə işlər sadəcə iman nuru, insani fəzilətlər və camaaata sevgi qəlblərində yer tutaraq onların şəxsi mənafe və eqoistliklərinin qarşısını alan, eyni zamanda, aydın düşüncə və təfəkkürlərinə mane olaraq inhirafa sürükləməyən şəxslər tərəfindən həyata keçirilə bilər.
Həmin şəxslər “camaatın ən yaxşısı” adlandırılmağa layiqdirlər. Həqiqətdə, belə insanların əksəriyyəti qəzavət və hökm vermək kimi məsuliyyət tələb edən məqamlardan uzaq durur. Qeyd edilən hədisdə bildirilir ki, bu xüsusiyyətlərə malik və ədalətlə hökm verən insanlar ən yaxşı insanlardır və onlar yüsək məqamlara sahib olmalı həmin mövqeləri yanlış və ədalətsizcəsinə hökm verən fərdlərəin ixtiyarında qoymamalıdırlar.
[1] “Biharul-ənvar”, c. 101, səh. 266.
