İmam Musa ibn Cəfər (ə) buyurmuşdur:
فَضْلُ الْفَقِيهِ عَلَي الْعَابِدِ كَفَضْلِ الشَّمْسِ عَلَي الْكَواكِبِ
“Alimin abidə nisbətdə olan üstünlüyü günəşin ulduzlara nisbətdəki üstünlüyü kimidir.”[1]
Qısa izah
Səmadakı ulduzlar parlaq və işıqlı olmalarına baxmayaraq, yollarımızı təyin etmək və aydınlatmaq üçün kifayət qədər nura malik deyillər.
Əksinə, günəşin parlaq şüaları yer kürəsindəki canlılara həyat bəxş etməklə yanaşı, uzaq yolları yaxın yollardan ayırmaqda insanlara yardımçı olur. Alimlə abidin fərqi günəşin digər parlaq səma cisimlərinə nisbətdəki fərqinə bənzəyir. Abid yalnız öz kilimini sudan çıxarmaq, alim isə batmaq üzrə olanlara nicat verməyə çalışır. Qeyd edək ki, günəş sistemində hərəkət edən bütün planetlər günəşin nurundan bəhrələndiyi kimi, alimin mövcudluğunun da abidin varlığına səbəb olduğunu söyləyə bilərik. Alim olmasa, abid də olmaz.
[1] “Tuhəful-uqul”, səh. 307.
