1. Qohumlara yaxşılığın təsirləri
İmam Rza (ə) buyurmuşdur:
صِلَةُ الرَّحِمِ مَنْسَأَةٌ فِي الْأَجَلِ مَحْبَبَةٌ فِي الْأَهْلِ
“Qohumlara yaxşılıq ölümü təxirə salır və ailədə məhəbbət yaradır.” (“Üsuli-kafi”, c.2, səh.151.)
2. Bəndələri Allaha yaxınlaşdıran ən fəzilətli əməl
Füzeyldən nəql olunur ki, İmam Rzadan (ə) vacib göstərişlər içərisində bəndələri Allaha yaxınlaşdıran ən üstün və fəzilətli əməlin hansı olduğunu soruşdum. Həzrət buyurdu:
أفضَلُ ما يَتَقَرَّبُ بِهِ العِبادُ إلَى اللّهِ طاعَةُ اللّهِ وطاعَةُ رَسولِهِ، وحُبُّ رَسولِهِ (ص) واُولِي الأَمرِ
“Bəndələri Allaha yaxınlaşdıran ən fəzilətli əməl Allaha və Peyğəmbərə itaət, Peyğəmbəri və əmr sahiblərini (Əhli-beyt imamlarını) sevməkdir.” (“Əl-kafi”, c.1, səh.187, hədis 12.)
3. Qazanan və ziyana uğrayan
İmam Rza (ə) buyurmuşdur:
مَنْ حاسَبَ نَفْسَهُ رَبِحَ وَ مَنْ غَفَلَ عَنْها خَسِرَ
“Nәfsini cilоvlаyan qazanar və ondan qаfil оlаn zәrәrə düşər.” (“Mizаnul-hikmәt”, c.10, sәh.576.)
4. Hikmətli söz
İmam Rza (ə) buyurmuşdur:
مَنْ خافَ أمِنَ وَ مَنِ اعْتَبَرَ أبْصَرَ وَ مَنْ أبْصَرَ فَهِمَ وَ مَنْ فَهِمَ عَلِمَ
“Qоrхan amanda qalar və ibrәt götürən bәsirәtli (ayıq) olar. Bəsirətli olan dərk edər və dәrk edən bilikli оlаr.” (“Mizаnul-hikmәt”, c. 10, sәh.576.)
5. İbadət və təfəkkür
İmam Rza (ə) buyurmuşdur:
لَیسَتِ العِبادَة کَثَرة الصِّیامِ و الصّلوة و انَّما اِلعبادَة کَثَرة التَّفَکُّرِ فِی اَمرِاللهِ
“İbadət – oruc və namazın çoxluğundan ibarət deyil, Allahın işlərində daha çox təfəkkür etməkdən ibarətdir.” (“Tuhəful-uqul”, səh.802.)
6. Qohumlara edilən ən üstün yaxşılıq
İmam Rza (ə) buyurmuşdur:
صِلْ رَحِمَكَ وَ لَوْ بِشَرْبَةٍ مِنْ مَاءٍ وَ أَفْضَلُ مَا تُوصَلُ بِهِ الرَّحِمُ كَفُّ الْأَذَى عَنْهَا
“Bir içim su qədər olsa da, qohumlarına yaxşılıq et. Qohumlara edilən ən üstün yaxşılıq onlara əziyyət verməməkdir.” (“Üsuli-kafi”, c.2, səh.151.)
7. Cənnət və Cəhənnəm hal-hazırda mövcuddurmu?
Hərəvi nəql edir ki, İmam Rzadan (ə): يَا بنَ رَسولِ اللّه (ص)، فَأَخبِرني عَنِ الجَنَّةِ وَالنّارِ أهُمَا اليَومَ مَخلوقَتانِ؟ “Ey Peyğəmbər övladı, mənə Cənnət və Cəhənnəmin hal-hazırda yarandığı haqda məlumat verə bilərsinizmi?” – deyə soruşduqda, İmam (ə) buyurdu:
نَعَم، وإنَّ رَسولَ اللّه (ص) قَد دَخَلَ الجَنَّةَ ورَأَى النّارَ لَمّا عُرِجَ بِهِ إلَى السَّماءِ
“Bəli! Peyğəmbəri-Əkrəm (s) səmaya aparıldığı (və “merac”a getdiyi) zaman həm Cənnətə daxil olub, həm də Cəhənnəmi görüb.” (“Sifatuş-şiə”, səh.85, hədis 203.)
8. İmamları tanımayanlar
İmam Rza (ə) məsum imamların qəbrinin ziyarətində belə demişdir:
لسَّلامُ عَلى مَحالِّ مَعرِفَةِ اللّهِ… مَن عَرَفَهُم فَقَد عَرَفَ اللّهَ، ومَن جَهِلَهُم فَقَد جَهِلَ اللّه
“Salam olsun ilahi mərifət məskənlərinə (Allahı tanımağa səbəb olan yerlərə)…! Onları tanıyan Allahı tanımış və onları tanımayan Allahı tanımamışdır.” (“Əl-kafi”, c.4, səh.578, hədis 2.)
