Həzrət Əli (ə) buyurmuşdur:
إِذَا قَدَرْتَ عَليٰ عَدُوِّكَ فَاجْعَلِ الْعَفْوَ عَنْهُ شُكْرًا لِلْقُدْرَةِ عَلَيْهِ
“Öz düşməninə qələbə çaldıqda, bağışlamağı bu qələbənin şükrü təyin et.”[1]
Qısa izah
İslam məntiqi nəzərində, istisnasız olaraq hər bir nemət və bəxşişin zəkatı şükr olduğu kimi, qüdrət və qələbənin də zəkat və şükrü bağışlamaq və əfv etməkdir.
Zahiri qələbələr ədavət və düşmənçiliyin düşmənin qəlbindən silinməsi və müxalifətçiliklərin kökünün kəsilməsi ilə daha da davamlı olacaq və bu məsələ bağışlamaq və əfvdən başqa, digər bir yolla əldə olunası deyil. Nəticədə, düşmən qəlbən dəyişəcək və sənin dünənki düşmənin bugünkü dostuna çevriləcək, beləliklə, qələbə zahir və batin baxımından təkmilləşəcəkdir.
Əksinə, qüdrət əldə etdikləri zaman intiqam almaq hissi ilə yaşayan kəslər öz insanlıq fəzilətindən məhrum olmaqla yanaşı, sahib olduqları qələbəni də təhlükəyə atacaqlar.
. İslam Peyğəmbəri (s) qeyd edilənlərin tam və kamil nümunəsidir. O həzrət Məkkəni fəth və düşməni məğlub etdiyi zaman misligörünməmiş əfv və bağışlamaq fenomeni nümayiş etdirərək digər insanları heyrətə salmışdır.
[1] “Nəhcül-bəlağə”; “Biharul-ənvar”, c. 68, səh. 427.
