İmam Hadi (ə) buyurmuşdur:
أَلدُّنْيٰا سُوْقٌ رَبِحَ فِيهٰا قَوْمٌ وَ خَسِرَ آخَرُونَ
“Dünya bir dəstənin onda qazanc əldə etdiyi, digərinin isə zərərə uğradığı bazardır.”[1]
Qısa izah
Dünya insanların əbədi qalacağı yer və məskən deyil. Əksinə, dünya insanın ona əta edilən ömür sərmayəsi, əql, düşüncə və s. kimi nemətləri sərf edərək axirət və əbədi səadəti qazanması üçün mənfəətli bazardır. Uzaqgörən, ayıq və əql sahibi insanlar dünyanın faydasını çox yaxşı anlayırlar. Bu baxımdan, həmin insanlar daim fəaliyyət göstərir, özləri və yaşadıqları cəmiyyətin səadət və gələcəyi uğrunda dayanmadan səy və təlaş edirlər. Nəticədə, insanlar ona verilən bütün nemətlərdən səmərəli şəkildə istifadə etməli və onları tələf edərək dünyadan əbədi axirət evinə əliboş köçməməlidir.
[1] “Tuhəful-uqul”, səh. 362.
