Həzrət Əli (ə) buyurmuşdur:
شَرُّ إخْوَانِكَ مَنْ دَاهَنَكَ في نَفْسِكَ وَ سَاتَرَكَ عَيْبَك
“Dostlarından ən pisi sənə yaltaqlıq edən və eyiblərini örtənlərdir.”[1]
Qısa izah
Həqiqətləri ört-basdır edərək onları görməzdən gəlmək nə bir çətinliyi aradan qaldırır, nə də kiməsə xidmət sayılır. Buna əsasən, tərbiyəvi və düzgün irad yerinə həqiqətləri gizlətməyə çalışan və dostun ötəri razılığını qazanmaq və ya onu “yaxşı” kimi qələmə vermək üçün eyiblərini ört-basdır edən kəslər, həqiqətdə, dostluğa xidmət deyil, əksinə bəzən dostun abır-həya, səadət və heysiyyətinin aradan qalxması ilə nəticələnən xəyanətə mürtəkib olmuşlar.
Bəli! Dostlar bir-birinin eyiblərini göstərən güzgü olmalı və xoş rəftar və ədəblə nöqsanları aradan qaldırmağa çalışmalıdırlar.
[1] “Ğurərul-hikəm”, c. 4, səh. 173, hədis, 5725.
