Son fürsət!
Təkcə bir gün qaldı!
Şəban ayının son gününün orucunu Ramazan ayının orucuna birləşdirməyin savabı
حَدَّثَنَا أَحْمَدُ بْنُ مُحَمَّدِ بْنِ يَحْيَى الْعَطَّارُ قَالَ حَدَّثَنَا سَعْدُ بْنُ عَبْدِ اللَّهِ عَنْ أَحْمَدَ بْنِ مُحَمَّدٍ عَنْ أَحْمَدَ بْنِ مُحَمَّدِ بْنِ أَبِي نَصْرٍ الْبَزَنْطِيِّ عَنْ سَعْدِ بْنِ إِبْرَاهِيمَ عَنْ مُعَاوِيَةَ بْنِ عَمَّارٍ عَنْ أَبِي عَبْدِ اللَّهِ ع قَالَ: إِنَّ صَوْمَ (یوم) الثَّلَاثِينَ (من شعبان) وَ صَوْمَ إِتْبَاعِهِ (من صوم رمضان) شَهْرَيْنِ مُتَتَابِعَيْنِ (و) تَوْبَةٌ مِنَ اللَّهِ والله.
İmam Sadiq (ə) buyurdu: “Həqiqətən də Şəban ayının otuzuncu gününü oruc tutaraq onu sonrakının (Ramazan ayının) orucu ilə davam etdirmək iki ay oruc tutmağa bərabərdir. And olsun Allaha ki, (belə bir oruc tutmağa müvəffəq olmaq sanki) Allahın (bəndəsinə) qucaq açması və (bəndəsinə sarı) qayıdışıdır.”
QEYD: Bəzən insanlar Şəban ayının orucunu Ramazan ayının orucuna birləşdirmək dedikdə, bunu “vüsal orucu” ilə səhv salır və qatışdırırlar. “Vüsal orucu” haram orucdur və bu işi qəsdən etmək olmaz. “Vüsal orucu” budur ki, insan bu gün oruc olur, axşam iftar etmədən və həmçinin sübh namazından öncə imsak və obşadan yemədən sabahı da oruc tutur. Bu oruc sağlamlığa zərər olduğu üçün qəsdən edilməsi haram və günahdır. Amma Şəban ayının orucunu Ramazan ayının orucuna birləşdirmək dedikdə, məqsəd Şəban ayının son 3 və ya son 1 gününü, yəni Şəban ayının 30-cu gününü oruc tutmaq, axşmaq iftar etmək və sübh çağı Ramazan ayının imsakı üçün qalxmaq. Başqa sözlə, Ramazan ayının niyyət gecəsindən öncəki gündə oruc olmaq. Bu cür birləşdirməyə iki ayın orucunun savabı verilir və bəzi hədislərdə deyilir ki, bir ilin və hətta bir ömürün orucunun savabına bərabərdir.
