Hacı Şeyx Rəcəbəlini gecə məclislərinə aparıb-gətirən şəxslərdən biri də mərhum Sənubəri olmuşdur. Günlərin birində mərhum Sənubəri hazırlaşır ki, Hacı Şeyxi məclisə aparsın. Onun həyat yoldaşı uşağından incimişdir. Uşaq nə isə törətmişdi. Uşağın başı qarışıq olanda qəfildən anası onu vurur. Vuran kimi, xanımın özünün də beli səpir və əyilir, ağrı verməyə başlayır.
Sənubəri ağa həyat yoldaşını bu vəziyyətdə görüncə, deyir:
– Mən Şeyx Rəcəbəli ağanı götürməyə gedirəm, sən də gəl otur maşına, yolüstü səni həkimə göstərək.
Mərhum Sənubəri deyir: Getdik Şeyx Rəcəbəlini götürdük. Yol gedərkən Ona dedim:
– Şeyx, arxada əyləşən mənim həyat yoldaşımdır, istəyirəm aparım həkimə, ona dua edin.
Şeyx Rəcəbəli dedi:
– Həkim filan lazım deyil, uşağı o cür vurmazlar!
Dedim:
– Ağa, bəs nə edək?
Buyurdu:
– Onu sevindirin Bir şey alın verin ki, sevinsin.
Getdik uşağa oyuncaq və yeməli şeylər aldıq, uşağa verdik. Uşaq sevinən kimi anasının əyilmiş beli açıldı və tam sağaldı.
