Nəql edirlər ki, Mərhum Ağa Şeyx Rəcəbəli Xəyyat bir qrup insanlarla birlikdə Kərbəlaya müşərrəf olur və onların arasında bir ər-arvad da var imiş. Günlərin bir günü ziyarətdən sonra hərəmdən qayıdanda həmin ər və arvad Şeyxin arxasınca, amma xeyli uzaqda yol gedirmişlər. Yolun ortasında söhbət əsnasında xanım öz ərinə bir dimsik vuraraq ona ağır söz deyir.
Bütün ziyarətçilər istirahət məkanına qayıdan zaman Şeyx Rəcəbəli hamıya bir-bir “ziyarətin qəbul olsun” deyir. Amma həmin qadına çatanda “sən heç, hamısını yerə dağıtdın” deyir.
O xanım deyir:
– Ağa, niyə belə deyirsiniz? Mən bu qədər yolu Kərbəlayə gəlmişəm. Nə etmişəm axı?
Şeyx Rəcəbəli deyir:
– Hərəmdən çıxandan sonra yoldaşına dimsik vuranda əməllərinin hamısı məhv oldu. Ziyarətdən əldə etdiyin bütün mənəvi nur və feyzləri bu əməlinlə məhv etdin.
