3 şey üçün səhv səcdəsini yerinə yetirmək lazımdır:
1. Bilməyərəkdən namazda söz demək.
2. Bir səcdəni unutmaq.
3. 4-rükətli namazda ikinci səcdədən sonra şəkk edər ki, dördrükətli qılmışdır, yoxsa beşrükətli.
Bundan başqa iki hal da vardır ki, ehtiyati-vacib səhv səcdəsi yerinə yetirilməlidir:
1. Namaza salam verməyin lazım olmadığı yerdə. Misal üçün 4-rükətli namazda ikinci rükətdə salam vermək lazım olmadığı halda, bilməyərəkdən salam vermək.
2. Təşəhhüdü unudan zaman.
Əgər namazqılan xəyal etsə ki, namazı bitib və ona görə də söz desə, gərək səhv səcdəsi yerinə yetirsin. Ah çəkmək və ya öskürmək üçün səhv səcdəsi lazım deyildir.
Əgər nəyisə yanlış edibsə, onu düzgün şəkildə təkrar etsin. Əgər bilməyərəkdən təsbihati-ərbəə tərk edilərsə və ya üç dəfədən çox və ya az yerinə yetirilərsə ehtiyati-müstəhəbdir ki, namazdan sonra iki səhv səcdəsi yerinə yetirsin.(Tebyan/Deyerler)
Əgər səhv səcdəsini namazın salamından sonra yerinə yetirməzsə günah etmişdir və onu tez bir zamanda yerinə yetirməsi vacibdir. Əgər bilməyərəkdən yerinə yetirməzsə, nə zaman yadına düşsə onu yerinə yetirsin. Namazı yenidən qılmaq lazım deyildir.
Salam verdikdən sonra dərhal səcdəyə gedib, bu üç zikrdən birini söyləsin:
(Bismillahi və billah və səlləllahu əla Muhəmməd və alih)
(Bismillahi və billah Allahummə səlli əla Muhəmməd və ali Muhəmməd)
Yaxşı olar ki, bu zikr oxunsun:
(Bismillahi və billah əssəlamu əleykə əyyuhənnəbi və rəhmətullahi və bərəkatuh)
Sonra təşəhhüd deyib və salamları verib, namazını bitirsin.
www.ahliman.info
