Allah-Təala Qurani-Kərimdə buyurur:
“Bu səbəbdən də İsrail oğullarına hökm etdik ki, hər kəs qisas haqqı olmadan, yer üzündə fitnə-fəsad törətməmiş kimsəni öldürsə bütün insanları öldürmüş kimidir. Hər kəs kimsəni diriltsə bütün insanlara həyat bəxş etmiş kimidir.”[1]
“Hər kəs qəsdən bir mömini öldürsə, cəzası əbədi qalacağı cəhənnəm olacaq. Allah ona qəzəb və lənət edər və onunçün böyük bir əzab hazırlamışdır.”[2]
Həzrət Muhəmməd (s) peyğəmbər buyurur:
“İnsanların ən dikbaşı, onu öldürmək niyyəti olmayan günahsız birisini öldürən və ya onu vurmayan birisini vurandır.”[3]
“Qiyamət günü insanlar arasında, barəsində ilk hökm veriləcək şey qan olacaqdır.“[4]
“Əgər bütün dünya məhv olsa belə Allahın yanında onun əhəmiyyəti, nahaq yerə tökülən qandan daha azdır.”[5]
İmam Rza (ə) buyurur: “Allah insanı öldürməyi haram buyurdu. Çünki bu işi rəva görsəydi, insanların məhvinə və cəmiyyətdə hərc-mərcliyə səbəb olardı.“[6]
[1] Maidə, ayə 32
[2] Nisa, ayə 93
[3] Əmali-Səduq, səh. 28, hədis4
[4] Kənzul-Ummal, hədis 39887
[5] Ət-Tərğib vət-Tərhib, c. 3, səh. 293, hədis 6
[6] Mən la yəhzuruhul-fəqih, c. 3, səh. 565, hədis 4934
