Həzrət Məhəmməd (s) peyğəmbərimiz buyurmuşdur: “Allaha və qiyamət gününə iman gətirən şəxs öz qonağına hörmət etməlidir.”[1]
“Qonaq öz ruzisini gətirər və ev əhlinin günahlarını aparar.“[2]
“Yemək verən şəxsin ruzisi və yeməyi, onunçün bıçağın dəvənin hörgücünə batmasından daha sürətlə gəlib çatar”[3]
“Qonaq gəlməyən evə mələklər daxil olmaz.“[4]
İmam Əli (ə) buyurub: “Allah kimə sərvət versə, onunla öz qohumlarına kömək əlini uzatmalı və qonaqpərvərlik etməlidir“[5]
«Biharul-ənvar»: Bir gün İmam Əlini (ə) qəmli halda gördülər. Səbəbini soruşanda Həzrət(ə) buyrdu: “Yeddi gündür ki, evimizə bir qonaq gəlməyib.”[6]
Qonaqlığa layiq olanlar
Həzrət Məhəmməd (s) buyurub: “Allaha xatir sevdiyin şəxsi öz yeməyinə qonaq et.”[7]
“Öz süfrəsinə varlıları qonaq edən və yoxsulları çağırmayan şəxsin dəvətini qəbul etmək məkruhdur.”[8]
Möminin dəvətini qəbul etməyə həvəsləndirmək
Həzrət Məhəmməd (s) buyurub: “Öz ümmətimdən burada olanlara və olmayanlarına tövsiyə edirəm ki, müsəlmanın dəvətini beş mil məsafədən olsa da, qəbul etsinlər. Çünki bu iş dinin bir hissəsidir.”[9]
“Kişinin, bir qonaqlığa dəvət olunduqda dəvəti qəbul etməməsi və yaxud qəbul edib, amma yemək yeməməsi ədəbsizlikdir.”[10]
Həzrət Peyğəmbərimiz (s) Əbuzərə nəsihətində buyurur: “Fasiq (günahkar) insanların yeməyindən yemə.”[11]
[1] Camiul-Əxbar, səh. 377, hədis1053
[2] Biharul-Əvnar, c.75, səh. 461, hədis14
[3] əl-Məhasin, c.2, səh.147 , hədis1388
[4] Camiul-Əxbar, səh. 378 , hədis1058
[5] Nəhcül-Bəlağə, xütbə 142
[6] Biharul-Əvnar, c.41, səh. 28 , hədis1
[7] Kənzul-Ummal, səh. 25881
[8] əl-Dəvat, səh.141 , hədis358
[9] Məhasin, c.4, səh.180 , hədis151
[10] Qurbul-İsnad, cəh.160, hədis583
[11] Biharul-Ənvar, c.77, səh. 84 , hədis3
