Allah-Taala Qurani-Kərimin mübarək əş-Şəms surəsində 11 dəfə and içdikdən sonra 9 və 10-cu ayələrdə buyurur: «… قد افلح من زکاها و قد خاب من دساها» “Nəfsini çirkinliklərdən təmizləyən kəs şübhəsiz, nicat tapmışdır! Və (nəfsini) pisliklərə bulaşdıran kəs, şübhəsiz, ziyana uğramışdır!
” İmam Əli (ə) buyurur: «من نصب نفسه للناس اماما فليبدأ بتعليم نفسه قبل تعليم غيره، و ليَکن تأديبه بسيرته قبل تأديبه بلسانه». “Hər kəs özünü insanlara rəhbər və imam görürsə, digərlərini təlim və tərbiyə etməmişdən öncə öz nəfsini təlim və tərbiyə etməlidir.
Həmçinin başqalarına vermək istədiyi təlim və tərbiyəni dil ilə deməmişdən öncə öz həyat tərzi və əməli ilə göstərməlidir”. (Nəhcül-Bəlağə, 71 və ya 73-cü hikmət).
Həzrət Mövla (ə) digər bir hədisdə buyurur: «من لم يهذب نفسه لم ينتفع بالعقل». “Nəfsini təzkiyə etməyən və paklamayan şəxs ağılından da faydalana bilməyəcək” – (Mizanul-Hikmət, c.10, s.125). Müqəddəs Nəcəful-Əşrəf şəhərinin Ali Dini Elmi Hövzəsinin tanınmış müctəhidi, fəqihlər ustadı, xatəmul-füqəha mərhum Şeyx Mürtəza Ənsari bütün İslam aləmindəki elmi əzəmətinə rəğmən Ayətullah Şüştərinin əxlaq dərsində iştirak edərmiş. Çünki insan nəfsinin tərbiyəsi və təzkiyəsi ilə məşğul olmazsa, nəfs tüğyan edir və ağılın sözünə baxmır. (Ələq/6).
