Ramazan ayı – başqa ayların sultanıdır. Bu ay Allaha məxsus olduğu üçün, rəhmət və bərəkəti də çoxdur və insanın dualarını və hacətlərini yerinə yetirən bir aydır. Elə bir ay ki, Allahla insan arasında olan bütün pərdələr aradan qalxar. Bir bəndə olar, bir də Allah.
Bəs bu fəzilətli ayın qalan günlərindən necə istifadə edə bilərik ki, bizə daha çox fayda gətirsin?
1. Məsumlarımız (ə) bizə tövsiyə edirlər ki, bu ayda ən çox iki şeyiistəyin: biri sizə oruc tutmaq tövfiqini versin. O birisi isə Quran oxumaq tövfiqini əldə edəsiniz.
2. Bu ayın başqa fəzilətli əməli – sədəqə verməkdir. Başqa aylardan daha çox ehtiyacı olanlara əl tutmaq. Quran buyurur ki, ən yaxşı infaq odur ki, qarşı tərəfə minnət qoymayasan və əziyyət verməyəsən.
3. Həzrət Peyğəmbər (s) buyurur: “O zaman ki, acdın və susuzladın – Qiyaməti yadına sal!”. Əgər Qiyamət günü Kövsər hovuzunun kənarında olmaq istəyiriksə və Əmirəl-möminin (ə) əlindən o mübarək sudan içmək istəyiriksə – gərək bu əziyyətə dözək və Qiyaməti yada salaq.
4. Ailə üzvlərimizin böyüklərinə hörmət edək. Nənə və babalarımızı görməyə gedək və onları sevindirək. Onları iftar süfrələrinə dəvət edib, onlara hədiyyə alaq.
5. Uşaqlara qarşı mehriban olaq. Övlad görər ki, valideynləri ona həddən artıq məhəbbət göstərirlər. Soruşar ki, ata və ana nə olmuşdur? Onlar da cavab verərlər ki, Ramazan ayıdır. Yəni, uşaq başqa aylarda olan sevgi və məhəbbətin səviyyəsindəki fərqi hiss etməlidir.
6. Dilinizi kontrol edin. İmam Baqir (ə) buyurur: “Cəhənnəm əhlinin çoxu dilinə görə cəhənnəmə gedərlər”.
7. Sileyi-rəhmi artırmaq və qohumlara baş çəkib, ehtiyacları ilə tanış olmaq.
8. Qulaqlarınızı qeybətə, töhmət və yalana bağlayın. Qoymayın bu haram sözlər ruhunuzu çirkləndirsin.
9. Yetimlərə mehribanlıq göstərin.
10. Günahlarınıza görə tövbə edin. Ramazan ayının hər bir saatı və anı fəzilətlidir. Ona görə də bu ayda etdiyiniz tövbə mütləqqəbul olacaqdır.
11. Namazları əvvəl vaxtda qılın və sonra dua etməyi unutmayın. Çünki insan namaz qılan zaman Allah ona tərəf mələklərigöndərir ki, yanında əyləşib dua etməsini gözləyirlər. Elə ki, geri qayıdırlar, Allah soruşur ki, bəndəm Məndən nə istədi? Əgər duaetməsəniz, deyəcəklər ki, heç nə.
12. İftar verməyi unutmayın ki, orucun özündən də fəzilətlidir. Belə ki, oruc tutan insanı iftara çağırmaq – onun orucununsavabına şərik olmaqdır. Eyni zamanda ictimai rabitələrin güclənməsinə səbəb olan saleh əməllərdəndir.
