Allah qonaqlığındayıq. Bu İlahi qonaqlıqdan bəhrələnmək üçün hazırlıqlı olmaq lazımdır. Necə ki, qohumlarımızın evinə gedən zaman proqram qurur və özümüzü səliqəyə salırıq, bu İlahi ziyafət üçün də hazırlıq görək və özümüzə əl gəzdirək. (Tebyan/Deyerler)
Daha hazırlıqlı olmaq üçün biz gərək bir neçə əməli yerinə yetirək.
1. Tövbə etmək. İlk atacağımız addım tövbə etməkdir. Əslində bir çoxlarımız Rəcəb və Şəban ayının necə gəlib getdiyini hiss eməmişik. Bizim üçün başqa günlərdən heç fərqlənmirdi də. Əgər özümüzə diqqət etməsək, Ramazan ayı da o cür gəlib gedəcəkdir. Əgər belə olarsa, aclıq və susuzluqdan başqa heç bir şeydən bəhrənmərik. Tövbələrimiz, ruhumuzun qırıq və sökük yerlərinə məlhəm olar və bizi yüngülləşdirər. Bu yüngüllük sayəsində də mənəviyyata çatmaq üçün böyük addımlar ata bilərik. İmam Əli (ə) buyurur: “Tövbə ürəkləri pak edər və günahları yuyar”.
2. Ətrafımızda olanlardan halallıq istəyək. Biz ictimai həyatda başqaları ilə rabitədə olduğumuza görə, istər-istəməz başqalarını incitmiş olarıq və bəzən də olur ki, başqalarının qeybətini etmiş oluruq. Bu cür hallar ruhumuz üçün yük olduğu üçün, bizə ağırlıq edər. Ona görə də gərək bu insanlardan halallıq istəyək.
3. Mənzili təmizləmək. Mübarək Ramazan ayında mələklər göydən yerə enərlər. Oruc tutanların ətrafında fırlanar və onlar üçün dua edərlər. O yer ki, təmiz deyildir və pak deyildir, mələklər ora daxil olmurlar. Ona görə də gərək evi təmizləyək və napak yeləri paklayaq.
4. Orucun əhkamına diqqət etmək. Çoxlarımız mübarək Ramazan ayının orucu ilə bağlı dini hökmləri yaxşı bilir. Lakin, təkrar – biliyin anasıdır. Bu İlahi vacibatın keyfiyyətlə yerinə yetirilməsi baxımından, dini əhkamlara diqqət yetirməyin əhəmiyyəti böyükdür.
5. Bu ayda olan müstəhəb əməlləri yerinə yetirmək. O cümlədən, vacib namazlardan sonra oxunan duaları, hər günün duasını, gecələrin namazlarını diqqətdən qaçırmayaq. Oruc tutan insan Ramazan ayının zikrlərini və əməllərini, o cümlədən, məxsusi münacatlarını diqqətdə saxlasa, ibadəti daha keyfiyyətli olar.
6. Obaşdan və iftarlarda dua etmək, “Qədr” surəsini oxumaq. Ehsanlar vermək.
7. Ramazan ayının orucuna məhrumiyyət kimi deyil, İlahi ziyafət, bayram kimi baxmaq.
www.ahliman.info
