Əmirəl-möminin (ə) bütün möminlərin mənəvi atası kimi bizlərə mal və ömrümüzün bərəkətli olması ilə bağlı bəzi tövsiyələr vermişdir ki, onlara nəzər salaq:
– Malın bərəkəti – zəkat verməklədir.
– Ömrün bərəkəti – yaxşı iş görməkdədir.
– Süfrəyə çoxlu əllərin daxil olması – bərəkətdir.
– Öz ayıqlıq və zirəkliyini günahı tərk etməkdə qərar ver.
– İnsanın təvazökarlığı – onun kərəmindədir.
– İnsanın gözəlliyi – mülayimliyindədir.
– Sözün gözəlliyi – qısa və ixtisarlı olmasındadır.
– Gözəl yoldaş – qənimətdir.
– Hədis nəql etmək, Peyğəmbərə (s) nisbət əldə etməyə səbəb olar.
– Elmin eybi – təkəbbürdədir.
– Qəlbin şəfası – Quran oxumaqdadır.
– Dinin silahı – təqvadır, fəsadı – tamahdır.
– Qəlbin aydınlığı – halal yeməklədir.
– Allaha itaət – qənimətdir.
– Hərislik, hərisin qatilidir.
– Üzün təravəti – düz danışmaqdadır.(Deyerler.org)
