“İbadətlərin ən yaxşısı, həzrət Mehdinin (ə.f) zühurunun intizarıdır”.
Həzrət Mehdinin (ə.f) zühur intizarının dəyəri haqqında əlimizdə yüzlərlə hədis mövcuddur. Burada onların bir neçəsini oxucularımıza təqdim edirik:
Allahın Rəsulu həzrət Məhəmməd (s) buyurmuşdur: “İbadətlərin ən yaxşısı, həzrət Mehdinin (ə.f) zühurunun intizarıdır”.
Bir şəxs həzrət Əlidən (ə) soruşdu: “Allah yanında ən sevimli iş nədir?” Həzrət onun cavabında buyurdu: “Həzrət Mehdinin (ə.f) zühurunun intizarı”.
İmam Sadiq (ə) buyurmuşdur:
“Həzrət Mehdinin (ə.f) imamətinə etiqad bəsləməklə bərabər, onun intizarında olan halda vəfat edən şəxs, döyüş halında o həzrətin öz xeyməsində vəfat edən şəxs kimidir”.
Həmçinin həzrət buyurmuşdur:
“On ikinci imam həzrət Mehdinin (ə.f) intizarında olan şəxs, Allah Rəsulunun hüzurunda qılınc çəkib, onun düşmənləri ilə döyüşən və o həzrəti müdafiə edən bir şəxs kimidir”.
Həzrət Səccad (ə) buyurub: “Fərəc intizarını çəkməyin özü ən böyük qurtuluşlardandır”.
