“Nahiyeyi-müqəddəsə ziyarəti” kitabında İmam Zaman ağanın (ə.f) Aşura ilə bağlı xatirələrini oxuya bilərik ki, mənbələri mötəbərdir. Bu ziyarət İmam Hüseyn (ə) inqilabını dərk etməyənlər üçün yaxşı bir dərs ola bilər. Bəziləri elə bilir ki, bu qiyamın əsasında iki qrup arasında münaqişə durur və nəticədə də İmam (ə) özünü və ailəsini bilərəkdən qurban verir. Bu cür təfəkkür ilə Aşura hadisəsinə göz yaşı tökməyin mənası və faydası olmaz. (Tebyan/Deyerler)
İmam Zaman ağa (ə.f) bu ziyarətdə buyurur: “Salam olsun, soyundurulmuş bədənlərə! Salam olsun, səhranın torpağına düşənlərə! Salam olsun, vətənlərindən uzaq düşənlərə! Salam olsun, kəfənsiz dəfn olunanlara! Salam olsun, başı bədənindən ayrılmışlara! Salam o kəsə ki, onun əhd və peymanı sındırılmışdır! Hörmət pərdəsi cırılmışdır, qanı zülmlə tökülmüşdür. Salam olsun, qana bulaşmış saqqala!”.
Bu qəmli salamlardan aydın başa düşmək olur ki, İmam Zaman ağa (ə.f) bizə Kərbəla səhnəsini tanıtmağa çalışmışdır. O, qədər qəmgin və hüznlüdür ki, söylədikləri salamlar canına işləmişdir. İmam Zaman ağa (ə.f) İmam Hüseynə (ə) xitab edərək buyurur: “Əgər Kərbəlada olsaydım, qılıncların itiliyindən səni qoruyardım. Canımla, malımla, bədənimlə səni düşmənə qarşı müdafiə edərdim. Övladlarımı sənə fəda edərdim. Zamanın təxirə düşməsinə və İlahi təqdirə görə səninlə düşmənçilik edənlərlə döyüşə bilmədim. Ancaq hər səhər və aşxam sənin üçün qanlı göz yaşı tökürəm”.
İmam Zaman ağa (ə.f) buyurur: “Şəhadət verirəm ki, sən namaz qılmısan, zəkat vermisən, əmr-be-məruf etmisən, münkər və düşmənçiliyi qadağan etmisən, Allaha itaət etmisən, itaətsizlik etməmisən. Allaha və onun kəndirinə çəng, vurub Onu razı etmisən”.
İmam Zaman ağa (ə.f) buyurur: “O zaman ki, sən məğlub oldun, həqiqət xəyanətə uğradı, ölüm elçisi Rəsulallahın (ə) qəbrinin yanında dayandı və göz yaşı tökən sənin ölüm xəbərini ona verdi və dedi: “Ey Rəsulallah! Qızının oğlu cavan şəhid oldu, nəsli və ailəsi mübah oldu. Səndən sonra övladları əsir oldu”. Və Peyğəmbər (s) bu xəbəri eşidib pərişan oldu. Ürəyi qəmləndi, mələklər və peyğəmbərlər (ə) ona başsağlığı verdilər. Anası Zəhra (s.ə) qəmgin oldu və yaxın mələklərin dəstəsi gəldilər və atan Əmirəl-mömininə (ə) başsağlığı verdilər. Sənin üçün matəm məclisi təşkil edildi. Hurilər sənə görə üzlərinə və başlarına vurdular. Səma və sakinləri, behişt və gözətçiləri, dağlar, dənizlər, Kəbə, İbrahim məqamı, Məscidul-haram – bunlar hamısı ağladılar”.
www.ahliman.info
