Məhdəviyyat mövzusu həmişə aktual mövzulardan olmuş və bu haqda çoxlu suallar yaranmış və yaranmaqdadır.
Bu suallardan biri də budur ki, İmam (ə.f) ilk olaraq harada zühur edib görünəcəkdir?
Bu sualın cavabını bizə hədislərimiz verir. Bu hədislərin əksər hissəsi buyurur ki, İmam Məhdi (ə.f) Məscidul-Haramda və Kəbənin kənarında zühur edəcəkdir. İmamın (ə.f) 313 nəfər yaxın dostları və davamçıları məqamın kənarında Həzrətlə (ə.f) beyət edəcəkdir. Bu zaman 10 minlik ordu təkmil olacaqdır.
İmam (ə.f) on min nəfərlik ordu ilə birlikdə Məkkədən hərəkət edəcəkdir.
Mufəzzəl İmam Sadiqdən (ə) soruşur: “Ey mənim ağam! Həzrət Məhdi (ə.f) harada və necə zühur edəcəkdir? Həzrət (ə) buyurur:“Ey Mufəzzəl! O tənha halda zühur edəcəkdir. Tənha halda Kəbənin kənarına gələcəkdir. Tənha halda gecəni orada keçirəcəkdir”. (Tebyan/Deyerler)
Başqa hədisdə oxuyuruq: “O zaman ki, Məhdi (ə) gələcək, Məscidul-Harama gedəcəkdir. Üzü qibləyə və arxası İbrahim məqamına dayanacaqdır. İki rükət namaz qılacaqdır. Sonra fəryad çəkəcəkdir: “Ey insanlar! Mənəm İmamın (ə) yadigarı, Nuhun (ə) yadigarı, İbrahimin (ə) yadigarı, İsmayilin (ə) yadigarı… Mənəm Musanın (ə), İsanın (ə) və Muhəmmədin (s) yadigarı. Mənəm Quranın sahibi və sünnəti dirçəldən!””.
