Həzrət Mehdi əleyhissəlamın qeybə çəkilməsi, daha sonra isə qiyam edəcəyi İslam aləmində o qədər qəti olmuşdur ki, onun haqqında çoxlu sayda kitablar yazılmış, hətta bu kitabların bəzilərinin yazılma tarixi o Həzrətin doğulmasından qabaqkı tarixə aiddir. Məsələn, şiə məzhəbinin görkəmli hədisçilərindən biri olmuş Həsən ibn Məhbub Zərrad (vəfatı hicri 224-cü ildə) böyük qeyb dövründən yüz il qabaq “Əl-Məşixə” kitabını yazmış və həmin kitabda İmam Mehdi əleyhissəlamın qeybə çəkiləcəyi haqqında olan hədisləri qeyd etmişdir.[1]
Mərhum Təbərsi yazır ki, şiə hədis söyləyənləri İmam Baqirlə (ə) İmam Sadiqin (ə) zamanında qeyb dövrünü vurğulayan hədisləri öz əsərlərində qeyd etmişlər.[2]
Həmçinin, İmamların bəzi səhabələri İmam Mehdi (ə.f) və onun qiyamı barədə kitab yazmışlar. O cümlədən İbrahim ibn Saleh Ənmati[3] (İmam Baqir əleyhissəlamın səhabəsi), Həsən ibn Məhəmməd ibn Səmaə[4] (İmam Kazim əleyhissəlamın səhabəsi), Məhəmməd ibn Həsən ibn Cümhur[5] (İmam Rza əleyhissəlamın səhabəsi), Əli ibn Məhziyar[6] (İmam Cavad əleyhissəlamın səhabəsi) və Fəzl ibn Şazan Nişaburini[7] (İmam Rza (əleyhissəlam), İmam Cavad (əleyhissəlam) və İmam Əliyyən-Nəqi əleyhissəlamın səhabəsi) qeyd etmək olar.
[1] Ə’lamül-vəra, səh. 443–444.
[2] Ə’lamül-vəra, səh.443.
[3] Fihrist, səh.14.
[4] Fihristi-əsmai-müsənnifiş-şiə, səh.11.
[5] Əl-Qeybət, səh.284.
[6] Fihristi-əsmai-müsənnifiş-şiə, səh.178.
[7] Fihristi-əsmai-müsənnifiş-şiə, səh.17.
