Deyirlər ki, Ayətullahil-üzma Mərəşi Nəcəfinin atası qırx gün müddətində Səhlə və Küfə məscidlərində İmam Zamana (ə.f) təvəssül etmiş və sonda məqsədinə nail olmuşdur. Nəql edilir ki, o yuxuda və ya oyaq vəziyyətdə Həzrətin görüşünə müşərrəf olur və nəzərində tutduğu mətləbləri Həzrətdən soruşur.
Suallardan biri də bu olur: “Anamız Həzrət Fatimənin (s.ə) qəbri haradadır?”
Həzrət Məhdi (ə.f) buyurur: “Bu sirri bizim qeybətdə olduğumuz dövrdə açmaq olmaz. Amma əgər qəlbiniz qəmlə dolsa və anamızı ziyarət etmək istəsəniz, gedin Qum şəhərinə, Fatimeyi-Məsumənin (s.ə) qəbrini ziyarət edin!”
İmam Rza (ə) Qumda Xanım Məsuməni (ə) ziyarət etməyin savabına toxunaraq buyurub: “Hər kim onun məqam və mənzilətini tanıyaraq ziyarət etsə, cənnət ona vacibdir”.
