Bakıda Hacı Cavad məscidində İmam Hüseynin (ə) doğum günü münasibəti ilə Quran gecəsi keçirilib.
Mərasimdə ruhanilər, ziyalılar, ictimaiyyət nümayəndələri o cümlədən Quran qariləri iştirak edib.
Mərasimdə çıxış edən məscidin axundu, ilahiyyatçı alim Hacı Əhliman Rüstəmov İmam Hüseynin (ə) doğum günü münasibəti ilə dünya müsəlmanlarını, o cümlədən Azərbaycan xalqını təbrik edib.
Bildirib ki, bu günlər dünyada yaşayan müsəlmanlar islam Peyğəmbərinin nəvəsi, müsəlmanların 3-cü imamı Həzrət Hüseynin (ə) mövlud gününü böyük izdihamla qeyd edirlər, müxtəlif ehsan süfrələri açırlar, mərasimlər təşkil edirlər. Bu gün keçirilən Quran gecəsi də İmam Hüseynin (ə) doğum gününə həsr olunmuş mərasimlərindən biridir. İmam Hüseyn (ə) məhəbbəti hər bir insanın qəlbində yaşayır.
Daha sonra Quran qariləri müxtəlif surələrdən tilavət ediblər.
www.ahliman.info
