“Ey iman gətirənlər! Sizdən qabaqkılara təyin olunduğu kimi, sizlərə də oruc təyin olundu. Bəlkə təqvalı olasınız.”[1]
Həzrət Məhəmməd (s) peyğəmbərimiz buyurub: “Oruc tutmağı sənə tövsiyə edirəm ki, oruc şəhvət damarlarını kəsər və lovğalığı aradan götürər.”[2]
“Hər şeyin zəkatı var, bədənin zəkatı da orucdur.“[3]
“Oruc tutun ki, sağlam olasınız.” [4]
“Oruc tutan öz yatağında yatsa belə, müsəlmanının qeybətini etməyincə, Allaha ibadət halındadır.”[5]
“Hər bir oruc tutan, yemək yeyən şəxslərin arasına daxil olanda, onun bədən əzaları Allaha təsbih söylər, mələklər ona salam göndərər və dua edərlər. Belə ki, duaları onun günahlarının bağışlanması istəyi ilə olar.” [6]
“Oruc od qarşısında bir sipərdir.”[7]
Xanım Fatimeyi Zəhra (s.ə) buyurub: “Allah-taala orucu ixlasın möhkəmliyi üçün vacib etmişdir.” [8]
İmam Baqir (ə) buyurub: “Oruc və həcc qəlblərə rahatlıq bəxş edər.” [9]
İmam Sadiq (ə) buyurub: “Allah-taala buyurur: Oruc Mənim üçündür və onun mükafatını Özüm verəcəyəm.”[10]
“Oruc tutanın yuxusu ibadət, sükutu təsbih, əməli qəbul olunmuş və duası müstəcabdır.”[11]
“Oruc tutanın iki sevinci var: bir sevinci iftar vaxtı və digəri öz Rəbbi ilə görüşəndədir” [12]
[1] Bəqərə, ayə 183
[2] Kənzul-Ummal, hədis 23610
[3] Fəzailuş-Şəhrus-Səlasəti, c.75, səh.57
[4] əl-Dəvat, səh. 76 , hədis179
[5] Səvabul-Əmal, səh.75 , hədis1
[6] Səvabul-Əmal, səh. 77 , hədis1
[7] əl-Kafi, c.4, səh. 62 , hədis1
[8] Biharul-Ənvar, c.96, səh. 368 , hədis4
[9] Əmali-Tusi, hədis 296 , hədis582
[10] əl-Kafi, c.4, səh. 63 , hədis6
[11] əl-Fəqih, c.2,cəh.76, hədis1783
[12] əl-Kafi, c.4, səh. 65, hədis15
