Həzrət Əbülfəzl Abbasın (ə) mütəhhər hərəmi hər il olduğu kimi bu il də Ərbəin mövsümünün başlanmasını Nəcəf və Kərbəla yolu üzərində keçirilən xüsusi mərasimlə elan edib.
Deyerler.org Al-Kafeel-ə istinadən xəbər verir ki, Nəcəf və Kərbəladakı ziyarətgahların himayədarları, böyük islam alimləri, dövlət rəsmiləri, qəbilə başçıları və vətəndaşların iştirakı ilə keçirilən xüsusi mərasim İraq dövlət himninin ifası və Qurani-Kərimdən ayələrin tilavət olunması ilə başlayıb.
Mərasimdə çıxış edən Ayətullah Sistaninin sözçüsü Ayətullah Əhməd Əl-Safi Nəcəf və Kərbəla şəhərlərinin Ərbəin zəvvarlarını qəbul etməyə hazır olduğu elan edib.
Daha sonra Ərbəin mövsümünün başlanması əlaməti kimi 40 metrlik bir dirəyə eni 13 uzunluğu 17 metr olan İmam Hüseynnin (ə) matəm bayrağı qaldırılıb.
