Hacı Əhliman Rüstəmovun informasiya bloku


Fəcr | Gün | Zöhr | Şam | Gecə
24 Dekabr 10:41
Şərh Yoxdur
2521

Həqiqi möminliyə çatmaq üçün lazım olan 5 xüsusiyyət

Mömin adətən o kəsə deyilir ki, imana malik olsun. Quranın nəzərinə görə isə mömin o kəsdir ki, qəlb imanı ilə yanaşı, bu imana uyğun əmələ də malik olmalıdır. Yəni, möminin iki qanadı olmalıdır ki, biri – imandır, o birisi – saleh əməl.

Quranın həqiqi mömin üçün bəyan etdiyi beş sifət ilə tanış olaq.

 

“Möminlər yalnız o kəslərdir ki, Allah zikr olunduqda qəlbləri qorxar, Onun ayələri onlara oxunan zaman imanlarını artırar və daim öz Rəbblərinə təvəkkül edərlər.

“Həmin o kəslər ki, namaz qılar və onlara ruzi olaraq verdiyimizdən (həm maddi və həm də mənəvi ruzilərindən Allah yolunda) xərcləyərlər.

Onlardır həqiqi möminlər! Onlar üçün Rəbblərinin yanında (dünyada və axirətdə Allaha yaxınlıq və mənəvi kəramətlərdən ibarət) dərəcələr, bağışlanma, gözəl və bəyənilmiş ruzi vardır”. (“Ənfal” 2-4).

 

Əllamə Təbatəbai bu ayələrin təfsirində buyurmuşdur:

Bu ayələr həqiqi möminlərin xüsusiyyətlərini tanıdır və onların kərim sifətlərini sayır. Bu beş sifət – o sifətlərdir ki, ona malik olmaq bütün yaxşı sifətlərə malik olmaq deməkdir. Bu sifətlər ibarətdir:

 

1. Allahı zikr edən zaman qəlbin titrəməsi.

2. Allah ayələrini eşitmək sayəsində imanın artması.

3. Təvəkkül.

4. Namazı ayaqda saxlamaq.

5. Allahın ruzi verdiyindən infaq etmək.

 

Göründüyü kimi ilk üç sifət qəlbə aid olan sifətlərdir. Ancaq qalan iki sifət bədənə aid olan sifətlərdir. Yəni, xarici əməl və rəftara aid olur.

 

Alim davamında buyurur: “Bu sifətlərin zikrində onların həqiqi tərtibinə riayət olunmuşdur. Belə ki, iman nuru yavaş-yavaş qəlbə daxil olar və artmağa başlayar. Öz nəhayət həddinə çatar və kamal əldə edər”.

 

1. Allahı yada salan zaman qəlbin təsirlənməsi. Bu mərhələ tədrici baş verər. İlk mərhələsi Allahı zikr edən zaman qəlbin təsirlənməsidir. İnsanda xof hissi yaranar.

 

2. İmanın təkamül etməsi. O zaman ki, mömin Quran ayələrini eşidər və ya qiraət edər, həmin ayələrin və surələrin təsiri nəticəsində imanı qəlbində qol-budaq salar və möhkəmlənər. Artmağa başlayar. Nəhayət yəqin mərhələsinə çatar.

 

3. Təvəkkül. O zaman ki, insanın imanı artar, Allahın və özünün məqamını yaxşı tanımağa başlayar. Başa düşər ki, hər bir şey Allahın hakimiyyəti altındadır və tək qadir olan varlıq – Allahdır. Ona görə də hər bir işində Ona təvəkkül edər və Ona söykənər.

 

4. Allahla rabitə. O zaman ki, insanın imanı artar, Allahla rabitədən zövq alar və namaz ki, dinimizin sütunudur, onu həmişə ayaqda saxlayar. Namazını əvvəl vaxtda qəlb hüzuru ilə yerinə yetirər və müti olmağa çalışar.

 

5. Mömin insan ətrafında olanlara qarşı laqeyd olmaz. Əksinə, onlara xidmət etməkdən ləzzət alar. Onların ehtiyaclarını yerinə yetirməyə çalışar. Allahın ona verdiyi ruzini onlarla bölüşər.(Tebyan/Deyerler)

 

Allah Təala bizlərə bu sifətlərə malik olmağı qismət eləsin.

 

www.ahliman.info

Digər “Mənəviyyat ” Xəbərləri

İmam Hüseyni (ə) ziyarət etməyin əhəmiyyəti.

🔷İmam Sadiq (ə) İbn Vəhəbə deyir: «Məbada qorxub Hüseynin (ə) ziyarətinə getməyəsən. Əgər belə etsən, qiyamətdə getməməyinə görə həsrət çəkəcəksən. Allahın səni... Davamı..

Məhərrəm ayının birinci gününün əməlləri

“Məhərrəm” – Əhli-beytin və şiələrinin matəm ayıdır. İmam Rzadan (ə) nəql olunur ki, Məhərrəm ayı daxil olanda, heç kim atam imam Kazimi... Davamı..

‘Mübahilə’ gününün əməlləri

Zilhiccə ayının 24-ü “Mübahilə” günüdür. (Mübahilə – iki nəfərin bir-birinə qarşı nifrin və qarğış etməsi.) Peyğəmbəri-Əkrəmin (s) həzrət İsanın (ə) allahlıq məqamında... Davamı..

Qədir-Xum hadisəsinin əhəmiyyəti

Qədir-Xum bayramını “Allahın böyük bayramı” adlandırmışlar; bu bayram İslam təqvimindəki bütün bayramlardan yüksəkdə duran bir bayramdır. Qədir-Xum bayramı daha dolğun bir mahiyyətə... Davamı..

‘Qədir-Xum’ gününün əməlləri

Zilhiccə ayının 18-i  “Qədir-Xum” gündür və İslamda ən böyük bayramlardan biridir. Bir rəvayətdə imam Sadiqdən (ə): “Müsəlmanların cümə günü, “Fitr” və “Qurban”... Davamı..

İldə oruc tutulması müstəhəb olan dörd əsas gün İshaq ibn Abdullah əl-Ələvi deyir:

Atam və əmilərim ildə oruc tutulması savab olan dörd günün ilin hansı günləri olması barədə bir-biriləri ilə mübahisə və ixtilaf etdilər. Onlar... Davamı..

Zilhiccə ayının 10-cu günü Qurban bayramıdır və çox şərəfli bir gündür. Həmin günün bir neçə əməli vardır.

1. Qüsl etmək; 2. Bayram namazı; bu namaz imamın hüzuru dövründə vacibdir və camaatla qılınmalıdır. Amma imam qeybdə olduğu vaxt bu namaz müstəhəbdir... Davamı..

Zilhiccə ayının 9-cu günü  “Ərəfə” günüdür.

Zilhiccə ayının 9-cu günü  “Ərəfə” günüdür. “Ərəfə” günü bayram kimi tanınmasa da, böyük bayramlardan biridir. Allah-Taala həmin gün öz bəndələrini ibadət və... Davamı..