Türkiyənin Seben gölünün Taşlıyayla rayonunda 2004-cü ildə başladılan işlər nəticəsində, meşə xidməti idarəsi, anbarlar, yataqxana və təqribən 50 illik məscid su altında qalıb.
Deyerler.org Sabah-a istinadən xəbər verir ki, tutduğu ərazi və su həcmi baxımından, Qərbi Qaradənizin ən böyük süni gölü olan Seben gölünün sahilindən təqribən 100 metr məsafədə olan məscidin dağılmaması və yenidən qiymətləndirilməsi üçün Seben İcra Rəhbərliyi və bələdiyyəsi fəaliyyətə başlayıb.
Görülən işlər çərçivəsində, sudan zərər görməməsi üçün məscidin ətrafı daşlarla doldurularaq, göldən sahilə tərəf yol düzəldilib. Vətəndaşlar və xeyriyyə təşkilatları tərəfindən təmir edilən məscidin yaxın müddətdə təkrar ibadət üçün açılması gözlənilir.
Seben bələdiyyə rəhbəri Süleyman Özdağ bir neçə il əvvəl təmir edilən məscidin tezliklə ibadət üçün açılacağına ümid etdiyini bildirib.
