Bu gecə Nimeyi-Şaban daxil olur
Hədislərdə qeyd olunur ki, bu gecə Qədr gecəsindən sonra ən fəzilətli gecədir.
Tövsiyyə olunur ki, bu gecə qüsl edilsin, oyaq keçirilsin, ilahi övliyalar ziyarət edilsin.
Bu gecənin digər xüsusiyyəti də dövrümüzün imamı Həzrət Məhdinin (ə.f) məhz bu gecə dünyaya gəlməsidir. Belə ki, İmam Məhdi (ə) miladi 878-ci ilin bu gecəsində İraqın hazırkı Samirrə şəhərində anadan olub.
Şaban ayının on beşinci gecəsinin bir neçə əməlləri vardır:
1. Qüsl etmək. Bu gecə qüsl etmək günahların yüngülləşməsinə səbəb olar.
2. Bu gecəni namaz qılmaqla, dua və istiğfar etməklə əhya saxlamaq.
3. “Kumeyl” duasını oxumaq.
4. İmam Hüseyni (ə) ziyarət etmək.
Bu gecənin əməllərinin içində ən fəzilətli əməl, İmam Hüseynin(ə) ziyarətidir. Bu əməl günahların bağışlanmasına səbəb olar.
O Həzrəti (ə) ziyarət etmək üçün açıq havada hündür bir yerə qalxıb, sağ və sol tərəfə baxdıqdan sonra, başı göyə tərəf tutub bu kəlmələrlə o Həzrəti (ə) ziyarət etmək lazımdır:
«Əssəlamu ələykə yə Əba Əbdillah. Əssəlamu ələykə və rəhmətullahi və bərəkatuh».
Harada olmağından asılı olmayaraq, hər kim bu qayda ilə Hz.İmam Hüseyni (ə) ziyarət etsə, onun üçün Həcc və ümrənin savabı yazılar.
5. Bu zikrləri ardıcıl olaraq demək: “Subhanəllah“, “Əlhəmdulillah“, “Allahu Əkbər“, “La İlahə İlləllah” (hər biri 100 dəfə)
Bu gecənin digər xüsusi əməllərini yerinə yetirmək istəyənlər “Məfatihul-Cinan” kitabına müraciət edə bilərlər.
