Bu yaxınlarda “Zühur olduqca yaxındır” adlı bir məlumat yayılıb. Və bu xəbər, mərhum arif Ayətullah Behcətə istinadla verilirdi. Ayətullah Behcətin dəftərxanası da bununla bağlı rəsmi açıqlama verib. “Abna”-nın verdiyi məlumata görə, bununla bağlı mərhum ustadın dəftərxanasına ünvanlanan sual və bu suala verilən cavab aşağıdakı kimidir.
Sual: “Bəziləri deyirlər ki, Ayətullah Behcət bildiribmiş: əvvəllər cavanlara müjdə verirdik ki, İmam Zaman ağanın (ə.f) zühurunu görəcəklər, amma indi qocalara da müjdə veririk ki, qocalar da İmamın (ə.f) zühurunu görəcəklər, – bunu Ayətullah Behcət deyibmi?”
Cavab:
1. Bu barədə ağa Behcətə soruşulmuşdu və o da demişdi: “Bir nəfər məsciddə mənə yaxınlaşdı və dedi ki, İmam Zaman ağanın (ə.f) məzhərinə yetişmişdim və sual verdim ki, mən zühuru görəcəm?”. Burada nəql olunan mətləbləri Ayətullah Behcət ona yaxınlaşan həmin adamın dilindən deyib, öz dilindən deməyib.
2. Həmçinin Ayətullah Behcət bu barədə buyurub ki, “əgər belə bir məlumatım olsa idi, onu birinci öz şagirdlərimə deyərdim.”
3. Mümkündür ki, bu, ümumi zühura deyil, şəxsi zühura şamil olsun.
www.ahliman.info
