Allah-təala Qurani-Kərimdə şeytanın dilindən belə buyurur: “İblis dedi: Belə isə məni azdırdığına görə, mən də mütləq Sənin düz yolunun başında, onların pusqusunda oturacağam. Sonra qarşılarından, arxalarından, sağ tərəflərindən və sol tərəflərindən onların yanına gələcək və onlara vəsvəsə edəcəyəm və onların çoxunu şükr edən görməyəcəksən!”1
Gördüyünüz kimi, Şeytan bu ayədə yuxarı tərəfdən başqa bütün dörd tərəfin adını çəkmişdir. Burada diqqət ediləcək məqam ondan ibarətdir ki, nə üçün Şeytan başın üst tərəfini qeyd etməmişdir. Qısası yuxarı tərəfin sirri nədir axı?
Ola bilsin ki, yuxarı tərəfdən məqsəd Allahın zikri olmuş olsun, yəni başın üstü mənəvi və rübubiyyət aləmidir.
Allah-təala günahkar və azğın dəstə barədə buyurur: “Şeytan onlara hakim olub ALlahı yad etməyi onlara unutdurmuşdur. Onlar Şeytanın firqəsidirlər. Agah olun ki, Şeytan firqəsi həmin ziyankarlardır.”
Deməli, Şeytan, bəndənin Allahı yad etmək və zikr etməsinə mane olur, Şeytanı qüvvəli edən isə biz özümüzük və bununla ona yol açırıq, əks təqdirdə Allah-təala buyurmuşdur: “Şübhəsiz ki, Şeytanın hiyləsi zəifdir!“2
Deməli Allahı yad və zikr etmək Şeytanın hiyləsini zəiflədərək məhv edir.
1. Ərəf surəsi, ayə 16-17.
2. Nisa surəsi, ayə 76.
