İslam maarifinin bir çox sahələrini əhatə edən “Miftahul-fəlah” kitabı rəbbani alim Şeyx Bəhaəddin Amili tərəfindən yazılmışdır. Bu kitab müsəlmanların gündəlik əməl ibadətlərinə dair əməli bir kitabdır. Şeyx bu kitabı yazdıqdan sonra yeganə nüsxəsini öz yanında saxlamış və belə bir kitabın yazıldığı barədə heç kəsə məlumat verməmişdir.
Əllamə Məclisinin ustadlarından biri, zəmanəsinin böyük alimlərindən olan mərhum Qazi Muizzuddin İsfahani deyir: “Mən imamlardan (ə) birini yuxuda gördüm və o həzrətdən bir hacət istədim: “Mənə belə bir proqram verin ki, hər iki dünyanın səadətinə zəmanət versin!“”
İmam (ə) buyurdu: ““Miftahul-Fəlah” kitabını tap və bu kitabda yazılanlara davamlı əməl et!”
O, yuxudan oyanır və bu kitabı axtarmaq üçün kitabxanalara və alimlərin yanına gedir. Hər kimdən “Miftahul-Fəlah” kitaını soruşursa, belə bir kitabın mövcud olmadığını eşidir. Nəhayət Şeyx Bəhaəddinlə görüşür və ondan bu kitab barədə soruşur. Şeyx onun bu sualına təəccüb edib soruşur: “Sənə bu kitab barədə kim danışıb?”
Qazi Muizzuddin yuxunu Şeyxə danışanda, o ağlayır və belə deyir: “Əlhəmdulillah, bu kitab İmamların (ə) nəzərini özünə cəlb edə bilmişdir!”
