Dua dini ədəbiyyatımızda ən çox işlək və ən çox dərin mənaya malik məfhumlardandır ki, həm Quran – Kərimdə və həm də hədislərdə dəfələrlə və müxtəlif cəhətlərdən, zərurət, təsirlər və s… izah olunmuşdur. (Shabestan)
Necə ki, Allahın Rəsulu (s) buyurur: “Dua möminin silahıdır. Dua dinin sütunudur, səmanın və yerin nurudur.”
Peyğəmbər (s) digər bir hədisdə buyurur: “Allah yanında duadan əziz bir iş və qiymətli bir şey yoxdur.”
Həmçinin Allahın Rəsulu (s) buyurur: Eyni işi görən hər iki nəfər cənnətə gedəcəklər, amma o ikisindən biri o dünyada digərinin işini özünkündən üstün görərkən deyəcək: “İlahi, bizim hər ikimizin əməli o dünyada bərabər idi axı, bəs nə üçün onun məqamı mənimkindən yuxarıdır?!” Allah – Taala cavabında buyurar: “O məndən istədi, dua etdi, amma sən dua etmədin!”
İmam Əli (ə) buyurur: Allahı ən çox o insanlar tanıyırlar ki, digərlərindən daha çox dua edirlər və Allah dərgahına istək əli açırlar.
İmam digər bir hədisdə buyurur: Dua bəla ilə üzləşməyə gedər və Qiyamət gününədək bəlanın qarşısında dayanar.
www.ahliman.info
