Həzrət Muhəmməd Rəsulullah (s) buyurur:
“Kimsə müsəlmanın malını haqsız yerə qəsb edərsə, Allah həmişəlik ondan üz döndərər, gördüyü hər yaxşı işə qəzəblənər və tövbə edib götürdüyü malı sahibinə qaytarmayana qədər onları yaxşı işlər siyahısına salmaz.”[1]
“Kimsə kimsənin torpağını nahaqdan qəsb edərsə, Allah-taalanı onunla qəzəblənmiş halda görüşər.”[2]
“Qardaşının malını nahaq yerə almaq heç bir müsəlmana rəva deyil. Çünki Allah müsəlmanın malını müsəlmana haram etmişdir.”[3]
İmam Əli (ə) buyurur: “Evdə qəsb edilmiş daşın olması, həmin evin dağılmasının zaminidir.“[4],[5]
İmam Sadiq (ə) haqsız yerə torpaq alıb orada ev tikənin hökmü haqda suala cavabından: “Evi viran olar və torpaq sahibinə qaytararlar. Zülmkarın alın tərinə və haqqı tapdalayana haqq yoxdur.”[6]
İmam Əli (ə): “Başqasının icazəsi olmadan onun malını ələ keçirmək heç kəsə rəva deyildir.”[7]
[1] Mustədrəkul-Vəsail, c.17, səh.89, hədis20823
[2] Kənzul-Ummal,hədis 30366
[3] Kənzul-Ummal,hədis 30343
[4] Seyid Rəzi deyir: “Bu kəlam Peyğəmbərdən (s) də rəvayət olunmuşdur. Sözlərin bir-birinə oxşaması təəccüblü deyil. Çünki, hər ikisi eyni çeşmədən qaynaqlanır və bir mənbədən çıxır.»,
[5] Nəhcül-Bəlağə, hikmət 240.
[6] Vəsailuş-Şiə, c.17, səh.311, hədis 1
[7] Vəsailuş-Şiə, c.17, səh.309, hədis 4
