Bu gün Şəban ayının sonuncu günüdür. Sabah, 25 aprel mübarək Ramazan ayının ilk günüdür. Bu gecənin müstəhhəb əməlləri vardır.
1. Üzü qibləyə əyləşin, əllərini göyə qaldırıb mübarək Ramazan ayının hilalına xitabən deyin:
رَبّى وَرَبُّكَ اللَّهُ رَبُّ الْعالَمينَ اَللّهُمَّ اَهِلَّهُ عَلَيْنا بِالْأَمْنِ وَالْأِيمانِ، وَالسَّلامَةِ وَالْإِسْلامِ، وَالْمُسارَعَةِ اِلى ما تُحِبُّ وَتَرْضى، اَللّهُمَّ بارِكَ لَنا فى شَهْرِنا هذا، وَارْزُقْنا خَيْرَهُ وَعَوْنَهُ، وَاصْرِفْ عَنَّا ضُرَّهُ وَشَرَّهُ وَبَلائَهُ وَفِتْنَتَهُ
Duanın oxunuşu: Rəbbi və rəbbəkəllah rəbbəl-aləmin. Allahummə əhilləhu əleyna bil əmni vəl imani vəs-səlaməti vəl-İslami vəl-musaraati ilə mə tuhibbə və tərzi. Allahummə barikə ləna fi şəhrinə haza vərzuqna xeyrəhu və əunəhu vəsrif ənna zurrəhu və şərrəhu və bəlaəhu və fitnətəh
Duanın tərcüməsi: “Rəbbim və rəbbin aləmlərin rəbbi olan Allahdır. İlahi, bu ayı bizim üçün əmniyyət, iman, salamatlıq, İslam, Sənin sevdiyin və razı olduğun işlərə tələskənliklə başlat. İlahi bu ayı bizə bərəkətli et, onun xeyr və nüsrətini bizim ruzimiz qərar ver. Onun zərərini, şərrini, bəlasını və fitnəsini bizdən uzaqlaşdır”
2. Nəql olunur ki, İslam Peyğəmbəri (s) ayı görcək üzünü qibləyə tutub deyərdi:
اَللّهُمَّ اَهِلَّهُ عَلَيْنا بِالْأَمْنِ والْإِيمانِ وَالسَّلامَةِ وَالْإِسْلامِ، وَالْعافِيَةِ الْمُجَلَّلَةِ وَدِفاعِ الْأَسْقامِ، وَالْعَوْنِ عَلَى الصَّلاةِ وَالصِّيامِ، وَالْقِيامِ وَتِلاوَةِ الْقُر انِ،اَللّهُمَّ سَلِّمْنا لِشَهْرِ رَمَضانَ، وَتَسَلَّمْهُ مِّنا، وَسَلِّمْنا فيهِ حَتّى يَنْقَضِىَ عَنَّا شَهْرُ رَمَضانَ، وَقَدْ عَفَوْتَ عَنَّا، وَغَفَرْتَ لَنا وَرَحِمْتَنا
Duanın oxunuşu: Əllahummə əhilləhu ələyna bil əmni vəl iman, vəs-səlaməti vəl İslam, vəl afiyətil mucəllələti və difail əsqam, vəl əvni ələs-səlati vəs-siyami vəl qiyami və tilavətil Qur`an. Əllahummə səllimna lişəhri rəməzan, və təsəlləmhu minna və səllimna fihi, hətta yənqəziyə ənna şəhru rəməzan, və qəd əfəvtə ənna və ğəfərtə ləna və rəhimtəna.
Duanın tərcüməsi: İlahi, bu ayı bizə əmin-amanlıq, iman, sağlamlıq, təslim, gözəl afiyət və xəstəliklərdən uzaqlıq (və geniş ruzi), namaz, oruc, gecələri ibadətlə keçirmək və Quran tilavəti ilə yenilə! İlahi, bizi Ramazan ayı üçün sağlam saxla, onu da bizdən sağlam qəbul et və bizi əfv etmək, günahlarımızı bağışlamaq və bizi rəhmətinə şamil etmək üçün gələn Ramazan ayına qədər diri saxla!
3. “Ramazan ayının ilk gecəsinin qüslu” niyyəti ilə qüsl almaq
4. “Ramazan ayının ilk gecəsinin namazı” niyyəti ilə iki rükət namaz qılmaq. Hər rükətdə “Həmd”dən sonra “Ənam” surəsi oxunur. Namazdan sonra Allahdan ancaq Allahın ona kifayət etməsini və onu bütün dərdlərdən qorumasını diləsin.
5. İmam Hüseyni (ə) yaxından və yaxud uzaqdan ziyarət etmək.
